Wiewiahte Omw Wadawad en Paipel Ehuehu Rahn

Pwehki kitail koaros kin uhdahn soupisek, ekei pak e kin apwal en wadek Paipel rahn koaros. (Sos. 1:8) Ma met kin wiawi, song wia soahng pwukat:

• Wiahda mehn kataman kan. Wiahla alarm en noumw sehlpwohno en katamankihong uhk ken wadek Paipel.

• Kihdi noumw Paipelo wasa ieu me ke kak kilang. Ma ke kin wadek Paipel nan pwuhk, kihla wasa kis me pahn mengei ong uhk en kilang rahn koaros.—Deud. 11:18.

• Rong ngilen wadawad en Paipel. Rong ngilen wadawad en Paipel ni omw wiewia omw doadoahk. Tara, nohno men me pil kin pioneer oh doadoahk nipwong kan, koasoia, “En rongorong ngilen wadawad en Paipel ni ei wiewiahseli ei doadoahk nan imweo kin sewese ie en wadek Paipel rahn koaros.”

• Dehr uhdi. Ma soahng ehu wiawi oh ke sohte kak wia omw koasoandi en wadawad, wadeklahte ekei iren Paipel mwohn omw meir. Mehnda ma ke wadeklahte ire kei ehuehu rahn, ke pahn uhdahn paiekihda.—1 Pit. 2:2.