Dadaur Pahn Wiewia Sapahrek

Wadek Senesis 37:​23-28; 39:​17-23 pwehn sukuhlki ahn Sosep mehn kahlemeng en dadaurete pahn wiewia sapahrek.

Medewe dahme wiawi mwowe oh mwuri. Dahme kahrehda Sosep lelohng wiewia sapahrek sang meteikan? (Sen. 37:​3-11; 39:​1, 6-10) Ia uwen werei me Sosep anahne dadaur pahn wiewia sapahrek? (Sen. 37:2; 41:46) Erein ahnsowo, dahme Siohwa ketin wiahiong Sosep, oh dahme E sohte ketin wia?—Sen. 39:​2, 21; w23.01 17 ¶13.

Kalaudehla ahmw wehwehki. Mendahki ahn Podipar eh pwoudo karaunlikamwih Sosep, Paipel sohte mahsanih me Sosep song en pere pein ih oh nda me liho likamw. Ia duwen iren Paipel pwukat ar sewese kitail en medewe ia kahrepen Sosep eh pilada en dehr nda mehkot, de ia kahrepen kitail en dehr kasik me ire pisetik koaros anahne kasansalda? (Lep. Pad. 20:2; Sohn 21:25; Wiewia 21:37) Soangen irair kaselel dah kan me ele sewese Sosep en dadaurete pahn wiewia sapahrek?—Maika 7:7; Luk 14:11; Seims 1:​2, 3.

Ia mehn kasukuhl kan. Pein idek rehmw:

• Soangen wiewia sapahrek dah me I kak kasik pwehki I kin uhdahn idawehn Sises? (Luk 21:​12, 16, 17; Ipru 10:​33, 34)

• Dahme I kak wia ahnsou wet pwehn sewese ie en kak dadaur pahn wiewia sapahrek? (Mel. 62:​7, 8; 105:​17-19; w19.07 2-7)