Onop Pwehn Ehukihong Meteikan

Ni atail kin onop Paipel, e kin kansenamwahwihkitailla. Ahpw laudsang met, e kin kaperen en koasoiaiong meteikan duwen soahng kan me kitail sukuhlki me sewese kitail en kalaudehla atail karanihala Siohwa. Lepin Padahk 11:25 (NW) mahsanih: “Mehmen me kin kansenamwahwih meteikan pahn nsenamwahula.”

Ni atail kin ehukihong meteikan dahme kitail sukuhlki, met kin sewese kamengeila atail en tamataman ire ko oh kalaudehla atail wehwehki. Oh pwehki ire ko kak wia kamwahu ong meteikan, kitail kin perenki ehukihong irail ire kesempwal ko.—Wiewia 20:35.

Song wia met: Nan wihk kan me pahn wad, rapahki ahnsou mwahu en ehukihong emen dahme ke sukuhlki. Ke kak ehukihong emen omw peneinei, de emen nan mwomwohdiso, iengomw tohndoadoahk, iengomw tohnsukuhl, mehn mpomw, de emen me ke tuhwong nan kalohk. Song en kawehwehda ni mengei oh sansal ireo ni pein omw lokaia.

Tamataman: Ehukihong meteikan dahme ke sukuhlki pwehn kakehlaka irail, a kaidehn pwe irail en kapingaiuk.—1 Kor. 8:1.