Koht Kin Ketiket Wasa Ehu?

Paipel sapengki

Ei. Koht kin ketiket wasa ehu, me iei nanleng. Medewehla iren Paipel pwukat:

Nan eh kapakapo, Nanmwarki Solomon koasoia: “Komw ketin karonge eh kapakap. Komw ketin karonge sang nan mwoalomwi nanleng.”—1 Nanmwarki 8:43.

Sises Krais ketin padahkihong sapwellime tohnpadahk ko en kapakap ong ‘Samarailo me ketiket nanleng.’—Madiu 6:9.

Mwurin Sises eh ketin iasada, e “ketila nanleng, pwe e kin ketiket ie ahnsou wet mwohn silangin Koht.”—Ipru 9:24.

Iren Paipel pwukat kasalehda me Siohwa Koht uhdahn ketin ieias oh kin ketikette nanleng, ahpw kaidehn wasa koaros.