Koht Wiahte Ngehn Kehlail Men?

Paipel sapengki

Koht kin ketin kasalehda sapwellime kehl me inenen laud nanleng oh sampah. Paipel mahsanih duwen eh ketin kapikada usu lik lik kei: “Kumwail kilengdalahng pahnlahng! Ihs me ketin wiahda usu kan me kumwail kilikilang? Iei ih me kin ketin kawekaweid irail duwehte karis en sounpei ehu, iei ih [Koht] me ketin mwahngih uwen tohtohn irail, oh kin ketin malipehkin irail koaros adarail. Iei duwen lapalap en sapwellime manaman—sohte ehu rehrail kak salongala!”—Aiseia 40:25, 26.

Ahpw Koht sohte ketin wiahte ngehn kehlail men. Paipel mahsanih me e sapwellimanki pepehm kan, duwehte limpoak oh kailok. (Melkahka 11:5; Sohn 3:16) Paipel pil kasalehda me en aramas akan wiewia kak kansensuwedihada de kaperenda kupwure.—Melkahka 78:40, 41.