KOUL 95
Maraino Wie Lingalingla
(Lepin Padahk 4:18)
1. Soukohp en mahs ko kin song rapahki Krais,
Koapworopwor en kepik’pik kan.
Koht kasalehda Mesaia pahn ket’do,
Me pahn kihda komour ong koaros.
Ahnsowo lelehr, Mesaia kakaun met,
Kadehdepen met sansaldahr.
Ia ’wen kaperen en ese duwen met;
Tohnleng kan pil men iang ese met!
(CHORUS)
Met atail ahl lingaling sang mahs;
Kitail kin kekeid nan marain.
Kilang dahme Koht kasalehda;
E kin kaweid kitail koaros.
2. Sises pilada ladu likilik men
Pwehn doadoahngki en kihda mwenge.
Marain en me mehlelo lingalingla,
E kin kamwakid atail mohngiong.
Atail ahl kin wie sansalla sang mahs,
Kitail kin weweid nan marain.
Kalahngan koaros en kohwohng Siohwa,
Kitail perenki keid nan Eh ahl.
(CHORUS)
Met atail ahl lingaling sang mahs;
Kitail kin kekeid nan marain.
Kilang dahme Koht kasalehda;
E kin kaweid kitail koaros.
(Pil kilang Rom 8:22; 1 Kor. 2:10; 1 Pit. 1:12.)