Sohp Kolokolete Eh Lelepek Pahn Kasongosong

Sohp koukousoan nan Us erein ahnsou me mehn Israel kan wie sensel nan Isip. Mendahki kaidehn ih mehn Israel, Sohp wia sounkaudok loalopwoat men ong Siohwa. E ahneki peneinei laud, uhdahn kepwehpwe, oh wia emen me lapalap nan eh kousapwo. E wia sounkaweid wahu men oh sounkopwung toupahrek. E kin kadekohng me semwehmwe kan. Sohp wia ohl lelepek men.

Sohp kasalehda ni sansal me Siohwa iei Meno me keieu kesempwal nan eh mour

1:8-11, 22; 2:2-5

• Sehdan kin tetehk ahn Sohp lelepek. E sohte kin sapwungki me Sohp kin peikiong Siohwa; ahpw, e peidengki kahrepen en Sohp eh lelepek

• Sehdan karaunehki Sohp me e kin papah Siohwa pwehki eh roporop

• Pwehn kihda pasapeng ong ahn Sehdan karaun, Siohwa ketin mweidohng Sehdan en kaloke ohl lelepek meno. Sehdan kahrehda kahpwal laud en lelohng nan en Sohp mour

• Ni en Sohp eh kolokolete eh lelepek, Sehdan peidengki ahn aramas koaros ar lelepek

• Sohp sohte dipada de kapwukoahki Koht mehkot sapwung