“Eh Pwoud Ohl Ndand Men”

Lih pwopwoud koahiek men kin kahrehiong eh pwoud adamwahu. Ni mwehin Nanmwarki Lemuel, ohl pwopwoud men me pwoudiki lih koahiek men kin wia “ohl ndand men.” (Lep. Pad. 31:23) Rahnwet, ohl wahu kan me kin papah nin duwen elder kei oh sounsawas kei. Ma irail pwopwoud, arail koahiek ong wia pwukoa pwukat kin pidada laud wiewia mwahu oh utuht en arail pwoud kan. (1 Tim. 3:4, 11) Kaidehn ohl pwopwoud kante ahpw pil mwomwohdiso kin uhdahn kalahnganki soangen lih koahiek pwukat.

Lih koahiek men kin sewese eh pwoud en papah ni eh kin . . .

• kangoangehkin ih lokaia kadek kan.​—Lep. Pad. 31:26

• men iang ih sewese mwomwohdiso.​—1 Des. 2:7, 8

• sohte men ahneki soahng tohto.​—1 Tim. 6:8

• sohte kin idek rehn eh pwoud duwen soahng kan me pid mwomwohdiso me e sohte kak ese.​—1 Tim. 2:11, 12; 1 Pit. 4:15