SOAHNG KESEMPWAL KAN SANG MAHSEN EN KOHT | AISEIA 63-66
Lahng Kapw oh Sampah Kapw Pahn Kahrehda Peren Laud
Koht ketin inoukihda duwen kamwahula ehu me kileldi nan Aiseia irelaud 65 me uhdahn pahn pweida, kahrehda ni Siohwa eh mahsanih duwen met e mwomwen me e pweidahier.
Siohwa ketin wiahda lahng kapw oh sampah kapw ehu, wasa me soahng kan me wiawiher ahnsou samwalahr ko manokonoklahr
65:17
Dahkot lahng kapw?
Koperment kapw ehu me pahn wahdo irair pwung kan nin sampah
E kokouda nan pahr 1914 ni ahnsou me Krais alehdi mwoale nin duwen Nanmwarkien Wehin Koht
Dahkot sampah kapw?
Pwihn en aramas ehu sang wehi kan koaros, lokaia kan, oh keinek kan me kin perenki peikiong kaundahn koperment kapw en nanleng
Ia duwen soahng kan me wiawiher ahnsou samwalahr ko eh pahn manokonoklahr?
Soahng kan me aramas kin medewehda oh medengkihla me pid paliwar, madamadau, oh pepehm kamedek kan pahn sohla mie
Aramas lelepek kan pahn nsenamwahuki mehlel arail mour oh pahn perenki tamanda soahng kansenamwahu kan me kin wiawi ehuehu rahn