Iren Sawas kan ong Doaropwehn Kasukuhl ong Mihting en Mour oh Kalohk
September 4-10
SOAHNG KESEMPWAL KAN SANG MAHSEN EN KOHT | ESEKIEL 42-45
“Kaudok Min Kapwurupwurodo!”
“Koasoanehiong Mohngiongomw Pohn” Sapwellimen Koht Tehnpas Sarawi!
3 Kasansal reirei wet audehda irelaud duau nan pwuhken Esekiel, oh e kihong mehn Sudia kan me kalipiliplahr koapworopwor laud. Kaudok min pahn kereniong sapahldo! Sounpar epwiki kei mwurin ahnsowo, lao lel atail ahnsou, kasansal wet kin kihda kangoang laud ong irail akan me kin poakohng Siohwa. Iaduwen? Kitail pahn tehk ia wehwehn kasansal en Esekiel ong mehn Israel akan me kalipilipla. Mie irair pahieu me kasansal wet kin dokedoke: Tehnpas Sarawio, koasoandi en samworo kan, soupeidio, oh sahpwo.
it-2-E 1082 par. 2
Tehnpas
En Esekiel kaudiahl duwen tehnpas. Nan pahr 593 Mwohn Krais, kaeisek pahieu en pahr mwurin kasohralahn Serusalem oh tehnpas en Solomon, nan kaudiahl ehu samworo soukohp Esekiel pwekipwekdahla pohn koadoken nahna ieu oh uhdiahl sapwellimen Siohwa tehnpas lapalap. (Ese 40:1, 2) Pwehn kanamenekihala oh kahrehiong mehn Suhs kalipilipala kan ren koluhla, de ele en kamweitala me lelepek kan, Esekiel alehdi kaweid en kawehwehda soahng koaros me e kilangada ong “mehn Israel kan.” (Ese 40:4; 43:10, 11) Kaudiahlo kihda oaritik kan duwen sosohng. Mehn sosohng me re doadoahngki iei “kisin tuhke” (kisin tuhke me reirei, 3.11 m; 10.2 ft) oh kiupit (kiupit me reirei, 51.8 cm; 20.4 in.). (Ese 40:5) Wiepen sosohng wet kahrehiong ekei en kamehlele me tehnpas me mi nan kaudiahlo pahn wia mehn karasepe ehu ong tehnpas me Serupapel kauwada mwuhr, ni ahnsou me mehn Suhs ko kalipilipala Papilon oh mwurin arail saledekla. Ahpw, sohte mehn kadehde sansal ehu me pid madamadau wet.
“Koasoanehiong Mohngiongomw Pohn” Sapwellimen Koht Tehnpas Sarawi!
10 Met kin kangoange irail akan me kalipilipla! Ehu ehu peneinei uhdahn kin ale kamehlelepen ahr pahn ale ahr sohso en sahpw. (Pil kilang Maika 4:4.) Kaudok min pahn mih nan wasa ile ehu oh nan werengen aramas akan. Oh pil tehk nan kasansal en Esekiel me soupeidi kan pahn duwehte irail samworo kan, pwe irail pil pahn kousoan nan sahpwo me aramas akan meirongkihong irail. (Esekiel 45:16) Nan sahpw me onohnsapahlo, aramas akan pahn sewese irail akan me Siohwa idihada en apwalih irail, oh utungada irail sang ni ahr pahn peikiong ahr kaweid kan. Sahpw wet kin mwete pwihn ehu me soandi mwahu, kin miniminpene, oh meleilei.
Raparapahki Soahng Kesempwal kan Sang Mahsen en Koht
it-2-E 467 par. 4
Mwar
Mehn Israel kan sohte pweida ni arail kin wia aramas ekei me kin wa mwaren Koht, re sohte kin mourki sapwellime kehkehlik pwung kan ni ar sohte kin wauneki mwareo oh kasaminehla. (Ese 43:8; Ei 2:7) Pwehki soaloalopwoat en mehn Israel ko imwikihla Koht eh ketin kaloke irail, met kahrehiong wehi teikan en kin nda mehkot me kin kasohwahwihala mwareo. (Pil kilang Me 74:10, 18; Ais 52:5.) Wehi pwukat sehse me kalokolok pwukat kohsang rehn Siohwa, kahrehda irail ahneki madamadau sapwung me Siohwa sohte kak ketin doarehla sapwellime aramas akan sang kahpwal kan me wiawihong Israel. Pwehn kapwungala madamadau sapwung pwukat me pid duwen mwareo, Siohwa ketin mwekid oh kapwurehdo luhwen mehn Israel kan nan sapwarailo.—Ese 36:22-24.
it-2-E 140
Pwung Pahrek
Ihme kahrehda, Siohwa kin ketin ahnsou koaros kupwurki irail kan me kin inengieng alehdi sapwellime kupwuramwahu ren kaiahnehki pein irail sapwellime kosonned en pwung pahrek oh idawehn. (Ais 1:17, 18; 10:1, 2; Ser 7:5-7; 21:12; 22:3, 4; Ese 45:9, 10; Ei 5:15; Mai 3:9-12; 6:8; Sek 7:9-12)
September 11-17
SOAHNG KESEMPWAL KAN SANG MAHSEN EN KOHT | ESEKIEL 46-48
“Israel me Kapwurupwurodo Pahn Paiekihda Kapai kan”
“Koasoanehiong Mohngiongomw Pohn” Sapwellimen Koht Tehnpas Sarawi!
11 Siohwa pahn kapaiada sapwarail? Kokohp wet kin sapengla peidek wet ki kawehwe de kilel kaselel ehu. Piletik ehu kin pwilipwilsang Tehnpas Sarawio, oh e wia tehlapala lao lel e wiahla lapalahn pillap ehu ni ahnsou me e leldihla nan Sehd en Mehla. E kin pwurehng kihong mour nan pihlo, oh pisnes en laid kin pweida wasao. Ni keilen pillapo kin dirkihla tuhke kan me kin wah ahnsou koaros, oh e kin kihda ketinain oh wini ong aramas akan.—Esekiel 47:1-12.
12 Ong irail me kalipilipla kan, me pwurehng rong inou wet oh met kin kalaudehla arail kin kamehlele kokohp akan en onohnsapahlda me irail kin kesempwaliki. Tohto sang pak ehu, sapwellimen Siohwa soukohp akan kin kawehwehda duwen onohnsapahlda en Israel. Wasa kan me mehla ahpw pwurehng mourada kin kalapw wia oaralap en ahr kokohp akan. (Aiseia 35:1, 6, 7; 51:3; Esekiel 36:35; 37:1-14) Eri, aramas akan kak kasik me sapwellimen Siohwa kapai kan pahn rasehng pillap ehu me pwilipwilsang Tehnpas Sarawio me onohnsapahlda. Ihme, ni ahnsowo, wehi me mehla ni pali ngehn pahn pwurehng mourada. Aramas akan me kapwurpwurdohng uhdakarail pahn ale kapai ki ohl ngehnin kan—ohl pwung kan oh kehlail duwehte tuhke kan me mih ni keilen pillap akan nan kasansalo, oh ohl akan me pahn apwapwalih irail ni arail pahn onehda sapahl ihmw kan me mihn nan sahpwo. Aiseia pil ntingihdi duwen “tuhke laud kan” me pahn “onehda sapahl kahnimw kan me ohlahr mahsie.”—Aiseia 61:3, 4, NW.
“Koasoanehiong Mohngiongomw Pohn” Sapwellimen Koht Tehnpas Sarawi!
10 Met kin kangoange irail akan me kalipilipla! Ehu ehu peneinei uhdahn kin ale kamehlelepen ahr pahn ale ahr sohso en sahpw. (Pil kilang Maika 4:4.) Kaudok min pahn mih nan wasa ile ehu oh nan werengen aramas akan. Oh pil tehk nan kasansal en Esekiel me soupeidi kan pahn duwehte irail samworo kan, pwe irail pil pahn kousoan nan sahpwo me aramas akan meirongkihong irail. (Esekiel 45:16) Nan sahpw me onohnsapahlo, aramas akan pahn sewese irail akan me Siohwa idihada en apwalih irail, oh utungada irail sang ni ahr pahn peikiong ahr kaweid kan. Sahpw wet kin mwete pwihn ehu me soandi mwahu, kin miniminpene, oh meleilei.
Raparapahki Soahng Kesempwal kan Sang Mahsen en Koht
“Koasoanehiong Mohngiongomw Pohn” Sapwellimen Koht Tehnpas Sarawi!
14 Wiewia pwukat ihte me pahn pweida sang kasansal en Esekiel? Soh; mehkot laudsang met pahn wiawi. Medewehla duwen met: Tehnpas Sarawio me Esekiel kilangada sohte kak koukouda nin duwen me kasansal kasalehda. Ni mehlel, mehn Suhs ako kin lemeleme me kasansal wet pahn uhdahn wiawi nin duwen e ntingdi.a Ahpw tehnpas Sarawio me kileldi nan kasansal me nohn kalaimwun en mih pohn Nahna Moriah, wasa me Tehnpas Sarawio kin mihmi mahso. Oh pil, Tehnpas Sarawio, me kileldi nan kasansal en Esekiel, sohte mih nan kahmimwo ahpw kin mih ehu sahpw dohsang, ahpw kariaun Tehnpas Sarawio koukouda nan Kahnimw en Serusalem.
a Karasepe ieu, Mishnah kin koasoia me nan Tehnpas Sarawio me onohnsapahlda, Pei sarawi, wenihmw kan en Tehnpas Sarawio, oh wasahn kuk kan wiawihda pwehn kak pahrekiong kasansal en Esekiel.
it-2-E 1001
Nein Aramas
Nan Palien Paipel ni Lokaiahn Ipru, lepin lokaia pwukat kin keieu kalapw pwarada nan pwuhken Esekiel. Nan pwuhko Koht ketin kahdaneki soukohpo “nein aramas” pak 90 samwa. (Ese 2:1, 3, 6, 8) Mwomwen ahd wet eh kin kadoadoahk kin kasalehda me soukohpo iei aramas emen nin sampah, oh met kasansalehda wekpeseng laud nanpwungen aramas me kin wia sounkair men oh Utupen rohng me e kin pakairki, iei Koht Wasa Lapalahpie. Ahd wet pil kadoadoahk ong soukohp Daniel nan Daniel 8:17, NW.
September 18-24
SOAHNG KESEMPWAL KAN SANG MAHSEN EN KOHT | DANIEL 1-3
“Loalopwoatohng Siohwa Kin Wahdo Keting kan”
Kolokol Omw Loalopwoatohng Wehin Koht
15 Kitail men papah Siohwa ni nsenmwakelekel, eri ekei pak e pahn sansalda me kitail uhdahn weksang iengetail tohndoadoahk, tohnsukuhl, mehn mpatail, de kisehtail kan. (1 Pit. 2:19) Sises ketin katamankihong kitail me meteikan pahn pil kailongkin kitail pwehki atail weksang irail. Tamataman me pali laud en irail kan me kin uhwong kitail sohte ese duwen Wehin Koht. Eri re sohte wehwehki dahme kahrehda e kesempwal kitail en loalopwoatohng Wehin Koht ahpw kaidehn koperment en aramas.
16 Pwehn loalopwoatohng Siohwa, kitail anahne peikiong ih sohte lipilipil dahme aramas teikan ele kin wia de ndaiong kitail. (Dan. 3:16-18) Me pwulopwul kan kin diarada me e uhdahn apwal en weksang meteikan. Pahpa nohno kan, kumwail sewese noumwail seri kan ren eimah nan sukuhl. Noumwail seri kan ele masak en sohte kawauwih pilaik de en dehr iang kasarawien wehi teikan. Erein amwail kaudok en peneinei, kumwail kak onopki ia sapwellimen Siohwa pepehm ong soahng pwukat. Padahkihong irail ia duwen arail en kawehwehda ni sansal oh ni wahu dahme re kamehlele. (Rom 1:16) Oh pil, ma anahn, sewese noumwail seri kan ni amwail koasoiong arail sounpadahk kan oh kawehwehiong irail dahme kitail kamehlele.
Ke en Kommwad, Siohwa Ketin Ieiang Uhk!
13 Mpen sounpar 600 mwohn Krais, mehn Ipru silimen me wia sapwellimen Koht ladu kei ale ketingparail pwehki arail kasalehda pwoson oh eimah. Nanmwarki Nepukadnesar koasoanehdi aramas lapalap koaros nan Papilon ren pokonpene oh kaudokiong sansal kohl lapalao. Emen me sapeikiong met pahn mehla nan kisiniei mwehlo. Ni wahu mehn Ipru silimeno padahkihong Nepukadnesar: “Ma at Koht me se kin papah pahn kak kapitkitala sang nan kisiniei mwehlo, oh sang omwi manaman, a ih me pahn ketin wia. Ahpw ma e pil sohte ketin wia, a komwi en ketin mwahngih me se sohte pahn pwongih omwi koht, oh se sohte pahn pil poaridihsang sansal kohl me komw ketin kauwadahro.” (Dan. 3:16-18) Nan Daniel 3:19-30, kitail kak wadek duwen Siohwa eh ketin doarehla mehn Ipru silimeno ni ahl kapwuriamwei. Mwein sohte me pahn kamasaki kitail en mehla nan kisiniei mwehl, ahpw ekei ahnsou kitail anahne peikiong Koht nan irair inenen apwal akan. Kitail kak kamehlele me Koht pahn ketin kapaiada kitail ma kitail kasalehda pwoson oh eimah.
Raparapahki Soahng Kesempwal kan Sang Mahsen en Koht
it-2-E 382
Mihsak
Ele mie kahrepe siluh me kahrehiong irail en medewe me kenen nanmwarkio mwenge kan samin: (1) Mehn Papilon kan kin kang mahn kan me Kosonned en Moseso kin koasoia me samin; (2) irail sohte pahn tehk ma irail kakehrehsang mwahu ntahn mahn pwukat, de ele ekei mahn ko mwopwula; (3) kaudok likamw kan kin kalapw kasarawihong mahs arail koht kan mahn akan, eri en kang mahn pwukat kin wia kisehn kaudokiong arail koht akan.—Da 1:8; pil kilang 1Ko 10:18-20, 28.
IHS “WEHI PWUKAT KOAROS”?
Kokohp en Daniel 2:44 (NW) kasalehda me Wehin Koht “pahn kauwehla oh kaimwisekala wehi pwukat koaros.” Kokohp wet dokedokehte wehi kan me wia kisehn lapalahn sansalo.
Daniel 2:44 (NW) sohte kasalehda dahme pahn wiawihong wehi teikan koaros. Ahpw, kokohp nan pwuhken Kaudiahl pil koasoia duwen met oh e kalaudehla atail wehwehki ire wet. E padahkihong kitail me “nanmwarki kan en sampah pwon” pahn pokonpene pwehn uhwong Siohwa ong “ni mahwen me pahn wiawi ni Rahn Lapalap en Koht, Wasa Lapalahpie.” (Kaud. 16:14; 19:19-21) Eri, patehng wehi kan me lapalahn sansalo kin karasahiong, koperment teikan koaros pil pahn kasohrala ni Armakedon.
Kih ohng Sampah Kaperen Ieu
Pasapengpen peidek wet dierek nan Daniel 2:44 (New World Translation): “Eri, ni ahnsou me nanmwarki ko pahn kakaun wasa [irail me kakaun ni imwin rahn akan] Koht en nanleng pahn ketin kauwada wehi ehu me sohte pahn ohla. Wehi wet sohte pahn kohiong aramas teikan sohte lipilipil. E pahn kauwehla oh kasohrehsang wehi pwukat [wehin aramas] koaros, oh wehi wet pahn mihmi kohkohlahte.” Dahme kahrehda Wehin Koht pahn “kauwehla” kaundahn sampah kan? Pwehki irail me kin kamakamour ngenen uhwong Koht pwehn ahneki kaunda ohng pein irail, madamadau ieu me ahn Sehdan me tepida sang nan Mwetuwel en Ihden. Oh pil patehng kauwehsang nsenamwahu en aramas, irail akan me song kolokol ngenen pein kaunda kin uhwongada kupwuren Sounkapikadao. (Melkahka 2:6-12; Kaudiahl 16:14, 16) Kahrehda, kitail uhdahn pahn idek rehtail, ‘Kitail kin uhki de pelian kaundahn Koht?
September 25–October 1
SOAHNG KESEMPWAL KAN SANG MAHSEN EN KOHT | DANIEL 4-6
“Ke Kin Pousehlahte Papah Siohwa?”
w10 11/1 13 par. 16
Me Pwulopwul kan, Weweidki Mahsen en Koht
16 Dahme kahrehda ke anahne men peikiong Siohwa mendahte ma ke kin kelehpwla? Tamataman met: Ke kak kansensuwedihada de kaperenda Siohwa. (Sen. 6:5, 6; Lep. Pad. 27:11) Omw wiewia kan kin kamwakid kupwuren Siohwa pwehki ‘eh kin ketin apwahpwalih uhk.’ (1 Pit. 5:7) E kupwurki ken rong ih pwe ke en paiekihda. (Ais. 48:17, 18) Ni ahnsou me ekei sapwellimen Siohwa ladu kan nan Israel pohnsehsehla sapwellime kaweid, re kansensuwedihala ih. (Mel. 78:40, 41) Ahpw Siohwa kin kupwurki mehlel soukohp Daniel pwehki emen tohnleng nda: “Daniel, Koht ketin poakohng uhk.” (Dan. 10:11) Dahme kahrehda? Daniel kin loalopwoat ong Koht kaidehn ahnsou kante me e mi nan pokon ahpw pil ahnsou kan me e kin kelehpwla.—Wadek Daniel 6:10.
Ke Kin Ahneki Sapwellimen Siohwa Madamadau Duwen Mehkan Me Sarawi?
12 E sohte kapwuriamwei me soahng tohto me pid duwen mouren me keidi kan en mwomwohdiso en Kristian oh iangarail kan kin wia mehkan me sarawi. Atail nanpwung mwahu rehn Siohwa mehkot sarawi. (1 Kronikel 28:9; Melkahka 36:7) E inenen kesempwal ong kitail me kitail sohte kin mweidong mehkot de emen en kauwehla atail nanpwung mwahu rehn Siohwa. (2 Kronikel 15:2; Seims 4:7, 8) Kapakap kin wia sawas kesempwal ong atail kin kolokol nanpwung keren rehn Siohwa. Kapakap kin wia mehkot sarawi ong soukohp Daniel kahrehda mendahki ah mour miehla nan irair keper ieu, e kolokol ah lelepek nan ah tiahk en kapakap ong Siohwa. (Daniel 6:7-11) “Kapakap en sapwellimen Koht aramas akan” de Kristian me keidi kan, kin rasehng warpwohmwahu me kadoadoahk nan tehnpas sarawi ong kaudok. (Kaudiahl 5:8; 8:3, 4; Lipai 16:12, 13) Karasaras wet kin kasansalehda uwen sarawi en kapakap. Ia uwen pwais laud ehu me kitail kak kapehse rehn Kaunepen lahng oh sampah! Ihme kahrehda kapakap kin wia mehkot sarawi nan atail mour!
Dahme Kahrehda Kitail En Poadidiong Kapakap?
2 Ia sapwellimen kupwur ong Daniel? Ni ahnsou me tohnleng Kapriel wahdo pasapengpen ehu en Daniel kapakap akan, e mahsanih me soukohpo “wia aramas emen me Siohwa kin poakpoake.” (Daniel 9:20-23; The New English Bible) Nan kokohp en Esekiel, Siohwa ketin kawehwehda me Daniel ohl pwung men. (Esekiel 14:14, 20) Ni erein eh mour, e sansal me ahn Daniel kapakap akan kin kahrehiong ih en karanih Koht, mehkot me pil Darius mwahngih.—Daniel 6:16.
w10 2/1 24 par. 15
“Sapwellimen Koht Manaman oh Lih Kamwohdo Kin Pousehlahte Mahmahsanih: ‘Kohdo!’”
15 Mwurin Daniel eh pweidi pwong ehu nan pesen laiono, pein nanmwarkio kohla oh likwerih: “Daniel, ladun Koht ieias! Ia duwe, omwi Koht me komwi kin loalopwoatohng, e ketin doareikomwihla sang laion kan de soh?” Daniel mwadang sapeng: “Wasa Lapalap en rosorosonte kohkohlahte! Koht ketin poaronehdo sapwellime tohnleng me kakuhpene ewen laion kat pwe re dehr kauweiehla. Koht ketin wiahda met pwehki eh ketin mwahngih duwen ei mwakelekel, oh duwen ei sohte wiahda mehkot sapwung ong komwi, Wasa Lapalap.” Siohwa ketin kapaiada Daniel pwehki eh “loalopwoatohng” ih.—Dan. 6:19-22.
Raparapahki Soahng Kesempwal kan Sang Mahsen en Koht
Ire Kesempwal akan Sang nan Pwuhken Daniel
4:10, 11, 20-22—Dahme tuhke lapalao nan ouraman en Nepukadnesar kin wiliandi? Nin tepio, tuhkeo kin wiliandi Nepukadnesar nin duwen kaun kehlail en sampah. Ahpw pwehki eh kaunda kin “kipehdi sampah pwon,” tuhkeo kin wiliandi mehkot laud sang. Daniel 4:17 kin koasoia duwen kaundahn “Koht, Wasa Lapalahpie” pohn wehin aramas koaros. Kahrehda, tuhkeo kin wiliandi sapwellimen Siohwa kaundahn lahng oh sampah, keieu me pid sampah. Kahrehda, mie pweidahn ouramano riau—nan kaundahn Nepukadnesar oh sapwellimen Siohwa kaunda.
w88-E 10/1 30 par. 3-5
Peidek kan Sang Sounwadawad kan
Ni ahnsou me Daniel mehn Ipruo pwurehng wisikdo mwohn nanmwarkio, nanmwarkio pwurehng kisikise ih, ni eh pahn kalikawihkihda Daniel likou poh ntahnmwel, kamwaramwarehkihda mwaramwar kohl ehu, oh kasapwiladahng en wia kesilimen en kaun nan wehio. Soukohpo sapeng ni wahu: “Maing, komw dehr ketikihong ie sapwellimomwi kisakis kan; komw ketikihong emen tohrohr. Ahpw I pahn patohwan wadekohng Wasa Lapalap me ntingdier kat oh pil kasalehiong komwi wehwehpe.”—Daniel 5:17.
Eri Daniel sohte anahne alehdi mehkot de pweipwei ehu sang ni eh pahn kawehwe. Nanmwarkio kak kolokolete kisakis ko de kihong emen tohrohr. Daniel pahn kawehwehiong, kaidehn pwehn alehdi keting, ahpw pwehki manaman en Siohwa, Koht mehlelo me kamwakid ih en wia met, me sapwellime kadeik pahn kereniong wiawihong Papilon.
Ni atail wadek Daniel 5:29, mwurin Daniel eh wadek oh kawehwehda lepin lokaia ko nin duwen me e koasoia me e pahn, nanmwarkio ruwese ren kihongete Daniel kisakis ko. Daniel sohte pein likawihada likowo oh kapwatkihda mwaramwaro. Irail me kihong ih sang ni ruwes en kaun keieu lapalapo, Nanmwarki Pelsassar. Met pahrekiong Daniel 5:17, wasa me soukohpo kasalehda ni sansal me dahme e wiao sohte roporop.
dp-E 109 par. 22
Lepin Lokaia Pahieu me Wekidala Sampah
22 Lepin lokaia kapwonopwon ko sansalda. Papilon wehi kehlailo pahn kereniong lohdiong pahn mehn Media oh Persia kan. Mendahki Pelsassar mesen pahtoukihla rohng en ohlahn kahnimwo, e kolokolete eh inowo. E ruwese nah ladu ko ren kalikawihkihda Daniel likou poh ntahnmwel, kamwarehkihda mwaramwar kohl ehu, oh lohkihda me e pahn wiahla kesilimen en kaun nan wehio. (Daniel 5:29) Daniel sohte soikala wahu pwukat, e pohnese me mepwukat kin kawauwihala Siohwa. Mehlel me Pelsassar ele koapworopworki en kameleileidi sapwellimen Siohwa kadeik sang ni eh kawauwih sapwellime soukohpo. Ma iei, e pwandalahr.