Doadoahngki Peidek kan

Madiu 16:13-16

DAHME KE PAHN WIA: Idek peidek kan ni kamantik pwehn kamwakid oh kolokol ahn sounrongorong kan ar men rong, pwehn sewese irail en medemedewe, oh pwehn kasalehda ire kesempwal kan.

IA DUWEN OMW PAHN WIA MET:

• Kamwakid oh kolokol ahn sounrongorong kan ar men rong. Idek peidek kan me pahn kamwakid sounrongorong kan en medewe ireo de en men esehda pasapengo.

• Sewese ren medemedewe ehu ire. Sewese sounrongorong kan ren idawehnte kawehwehpen ireo ni omw pahn idek peidek kan me kak imwikihla ar pahn ese pasapeng pwung.

• Kasalehda ire kesempwal kan. Idek peidek ehu me pahn kamwakid sounrongorongo ni omw pahn kasalehda ire kesempwal ehu. Doadoahngki peidek en kousapahl kan mwurin omw koasoia ire kesempwalo de ni kaimwiseklahn omw koasoio.