MEHN ONOP 12

Kasalehda Kadek oh Wehwehki Pepehm en Meteikan

1 Deselonika 2:7, 8

DAHME KE PAHN WIA: Koasoi ni omw kasalehda pepehm ni mehlel, oh kasalehiong sounrongorong kan me ke nsenohkin irail.

Medewe duwen sounrongorong kan. Kaunopada omw mohngiong sang ni omw tamanda kahpwal kan me re kin lelohng. Song medewehla arail pepehm kan.
Pilada lepin lokaia kan ni keneinei. Song en kansenamwahwih oh kakehlakahda sounrongorong kan. Dehr doadoahngki lokaia kan me kak kansensuwedih irail ni eh sohte anahnepe, oh dehr kauwe aramas akan me sohte iang padahk mehlel de dahme re uhdahn kin kamehlele.
Kasalehda omw nsenoh. Ni omw doadoahngki ngihl kadek oh pil kamwakid pehm kan ni ahl me konehng, kasalehiong sounrongorong kan me ke uhdahn nsenohkin irail. Tehk mwomwen pohn mesomwen; kin kalapw poh komwokomw.

Dehr daulihala omw kasalehda pepehm kan. Ni omw pahn wadawad, kasalehda pepehm me mi nan ireo, ahpw dehr kahrehiong sounrongorong kan ren tetehk uhk. Pwehki omw kalaudehla ngilen consonant kan (mesen nting kan likin a, e, i, o, u) kak kahrehda ngihl lemei, song en kareireila ngilen pawel kan (a, e, i, o, u) pwehn wiahda ngihl kadek.