IREN MEHN KASUKUHL 57
Ia Duwen Ma Ke Wiahda Dihp Laud Ehu?
Mendahki omw uhdahn poakohng Siohwa oh kin nantihong dehr wia mehkot me pahn kansensuwedihada kupwure, mie pak ke pahn wiahda sapwung. Ahpw, mie ekei dihp me laudsang dihp teikan. (1 Korint 6:9, 10) Ma ke wiahda dihp laud ehu, tamataman me Siohwa kin ketin poakohng uhk; e kin ketin kupwurki mahkohng uhk oh seweseiuk.
1. Dahme kitail anahne wia pwe Siohwa en ketin mahkohng kitail?
Irail akan me kin uhdahn poakohng Siohwa kin nsensuwedkihla ni ar esehda me re wiahda dihp laud. Ahpw Siohwa kin ketin kansenamwahwihkin irail sapwellime inou wet: “Mehnda ma dipamwail wiahla mwahi weitahta douluhl, ahpw kumwail pahn pwetepwetala duwehla wunen sihpw.” (Aiseia 1:18) Ma kitail koluhla mehlel, Siohwa pahn ketin mahkohng kitail douluhl. Ia duwen atail pahn koluhla? Kitail kin nsensuwedkihla dahme kitail wiahdao oh uhdihsang wia me suwed oh peki Siohwa en ketin mahkohng kitail. Mwuri, kitail kin nantihong wekidala atail madamadau de wiewia sapwung kan me kahrehda kitail en wiahda dihp, oh kitail kin nantihong mourki sapwellimen Siohwa koasoandi min kan.—Wadek Aiseia 55:6, 7.
2. Ia duwen Siohwa eh kin ketin doadoahngki elder kan en sewesei kitail ni atail wiahda dihp?
Ma kitail wiahda dihp laud, Siohwa ketin mahsanihong kitail en “ekerodo sounapwalih kan en mwomwohdiso.” (Wadek Seims 5:14, 15.) Elder pwukat kin poakohng Siohwa oh irail akan me kin papah ih. Re sukuhlkier ia duwen ar pahn sewese kitail en pwurehng kamwahwihala atail nanpwungmwahu rehn Siohwa.—Kalesia 6:1.
Ia duwen elder kan ar kin sewesei kitail ni atail kin wiahda dihp laud? Elder riemen de silimen pahn kapwungkitailla ni ar doadoahngki kaweid en Paipel kan. Re pahn kihong kitail sawas mwahu kan oh kangoange kitail en dehr pwurehng wiahda dihp. Ma aramaso me wiahda dihp laud sohte koluhla, elder kan pahn kihsang ih nan mwomwohdiso pwe en dehr kamwakid meteikan en wia me suwed.
KALAUDEHLA OMW ESE MET
Kalaudehla omw kalahnganki duwen Siohwa eh kin ketin sewese kitail ma kitail wiahda dihp laud ehu.
3. Wehkada dipatail kin sewese kitail en pwurehng mwahula
Dihp me kitail wiahda kin kamedekihala kupwuren Siohwa, kahrehda e pwung kitail en wehkadahng ih. Wadek Melkahka 32:1-5, oh mwuri koasoiapene peidek wet:
Dahme kahrehda e mwahuong kitail en wehkadahng Siohwa dipatail kan a kitail en dehr song ekihla?
Ni atail pil kin peki sawas rehn elder kan mwurin atail wehkadahng Siohwa dipatail kan, kitail pahn nsenamwahula. Kilang KISIN KASDO, oh mwuri koasoiapene peidek wet.
Ia duwen elder kan ar sewese Canon en pwurodo rehn Siohwa?
Kitail anahne koasoi mehlel ong elder kan; re men sewesei kitail. Wadek Seims 5:16, oh mwuri koasoiapene peidek wet:
Dahme kahrehda e pahn mengeiong elder kan en sewesei kitail ma kitail koasoi mehlel?
Wehkada dipomw, koasoi mehlel ong elder kan oh ale sapwellimen Siohwa sawas limpoak
4. Siohwa kin ketin kasalehiong me dipan akan mahk kalahngan
Ma aramas emen me wiahda dihp laud kahng idawehn sapwellimen Siohwa koasoandi kan, mwomwohdiso pahn kihsang ih nanpwungarail, oh kitail sohla pahn patehng. Wadek 1 Korint 5:6, 11, oh mwuri koasoiapene peidek wet:
Duwehte ihs me kin kampwosehda lopwon en pilawa, dahme pahn wiawihong mwomwohdiso ma kitail kin patehng aramas me wiahda dihp oh sohte koluhla?
Elder kan kin alasang sapwellimen Siohwa mahk kalahngan ong me dipan akan me soh unsek ni arail kin nantihong sewese irail kan me mwomwohdiso kihsang nanpwungarail. Dahme kahrehda? Mendahki e kin kamedek ni mwomwohdiso ar kihsang emen nanpwungarail, met sewese irail en pohnese me dahme irail wiao sapwung.—Melkahka 141:5.
Ia duwen sapwellimen Siohwa wiewia ong me dipan akan eh kasalehda me e kin ketin toupahrek, mahk kalahngan, oh limpoak?
5. Siohwa kin ketin mahkohng kitail ma kitail koluhla
Sises ketin doadoahngki karasaras ehu me kak sewese kitail en wehwehki sapwellimen Siohwa pepehm ni aramas emen eh koluhla. Wadek Luk 15:1-7, oh mwuri koasoiapene peidek wet:
Dahme met padahkihong uhk duwen Siohwa?
Wadek Esekiel 33:11, oh mwuri koasoiapene peidek wet:
Dahme kesempwal kitail en wia pwehn kasalehda me kitail uhdahn koluhla?
Duwehte silepen sihpw men, Siohwa uhdahn ketin nsenohki sapwellime sihpw kan
EKEI ARAMAS KIN NDA: “Ma I padahkihong elder kan dihp me I wiahda, I masak re de kihsang ie nan mwomwohdiso.”
Dahme ke pahn ndaiong aramas me ahneki soangen pepehm wet?
DAHME KE SUKUHLKIER
Ma kitail wiahda dihp laud ehu ahpw kitail uhdahn koluhla oh koasoanehdi teng en dehr pwurehng wia me suwed, Siohwa pahn ketin mahkohng kitail.
Kousapahl
Dahme kahrehda e mwahuong kitail en wehkadahng Siohwa dipatail kan?
Dahme kitail anahne wia pwe kitail en ale mahkpen dipatail kan?
Ma kitail wiahda dihp laud ehu, dahme kahrehda kitail anahne rapahki sawas sang elder kan?
PIL TEHK
Kilang ia duwen Siohwa eh ketin kasalehiong emen ohl mahk kalahngan me sansalda nan Aiseia 1:18.
Ia duwen elder kan ar kin nantihong sewese irail kan me wiahda dihp laud?
“Ia Duwen en Kasalehda Limpoak oh Mahk ong Irail me Wiahda Dihp” (Kahn Iroir, August 2024)
Kilang ia duwen limpoak oh mahk kalahngan eh kin kohwong me dipan kan me sohte koluhla.
Sawas ong Irail kan me Mwomwohdiso Kihsang Nanpwungarail” (Kahn Iroir, August 2024)
Nan koasoi wet “I Needed to Return to Jehovah,” kilang dahme kahrehda emen ohl me kohkohla sang padahk mehlel pehm me Siohwa ketin pwurehng kakerenihedo ih reh.