Usa situasons ku sta na pasa na bu pregason

Jesus usa situasons ku sta na pasa pa nsina jintis lisons. (Luk 13:1-5) Abo tambi bu pudi usa situasons ku sta na pasa, pa pui jintis tene interes na mensaẑen di Renu. Dipus di fala di kuma ku vida i difisil, disastri natural, manifestason sivil, visiu di droga, o kusas suma esis, fasi un purgunta ku na pui elis pensa. Bu pudi fasi purgunta suma es: “Bu pensa kuma un dia no na bin oja fin di . . . ?” o “Ke ku bu pensa, kal ki suluson pa . . . ?” Dipus, mostral un testu di Biblia ku na fala di ki asuntu. Si algin mostra interes, mostral video o publikason ku sta na no kaŝa di feramenta pa nsina. Nkuantu no na sforsa pa toka korson di jintis na no tiritoriu, no fasi “tudu e kusas pabia di Bon Noba.” — 1 Kor 9:22, 23.

Kal asuntu ku talves na ntresa jintis na bu tiritoriu?