NO VIDA KRISTON
Bu sta purparadu pa krisi ekonomiku?
No ka ta fika dimiradu ora ku situasons na mundu tisi instabilidadi ekonomiku na tudu ladu. Pabia di ke? Pabia no sta na vivi na kabantada di fin de tempu i Biblia avisanu pa ka no pui no speransa “na un kusa ki ka sertu, suma rikesa”. (1 Tim 6:17; 2 Tim 3:1) Ke ku no pudi aprendi di isemplu di rei Jeosafá, aserka di purpara pa krisi ekonomiku?
Oca ki ameasadu pa nasons inimigu, Jeosafá konfia na Jeova. (2 Kron 20:9-12) Tambi, i fasi kusas pratiku pa purpara nason antis di ataki, i fortifika sidadis i pui kuartelis. (2 Kron 17:1, 2, 12, 13) I na sedu bon si no konfia na Jeova suma ku Jeosafá fasi, i toma mididas pratiku pa pudi nfrenta tempus difisil.
JUBI VIDEO KUMA KU BU PUDI PURPARA PA DISASTRI? I DIPUS RUSPUNDI ES PURGUNTAS:
Ke ku kada un di nos pudi fasi pa purpara pa disastri?
Kuma ku no pudi sta purparadu pa juda utrus?