NO VIDA KRISTON
Jeova ta salva kilis ku tene spiritu kalkadu
I ta ten mumentu ku anos tudu no ta sinti tristi. Sta tristi ka signifika di kuma bu ka tene fe na Jeova. Alen di kila, te mesmu Jeova konta di kuma i sinti tristi na alguns mumentu. (Kum 6:5, 6) Ma ke gora si no sta tristi dimas o no ta sinti tristi na tudu mumentu?
Pidi ajuda di Jeova. Jeova ta preokupa ciu ku no saudi mental ku emosional. I sibi ora ku no sta kontenti, ku ora ku no sta tristi. I ta ntindi ke ku lebanu pensa i fasi un kusa di un sertu manera. (Sal 7:9b) Mas importanti i ta kuida di nos, tambi i pudi judanu lida ku tristesa o depreson. — Sal 34:18.
Kuida di bu saudi mental. Ora ku no sta disanimadu no ka ta sta filis, te mesmu i pudi afeta no amisadi ku Jeova. Pa kila i minjor no proteẑi no korson, ku sedu tudu ke ku no sedu pa dentru. — Dit 4:23.
JUBI VIDEO KUMA KU NO ERMONS KONSIGI TENE PAS APESAR DI DEPRESON, I DIPUS RUSPUNDI ES PURGUNTAS:
Kal kusas pratiku ku Nikki fasi ku judal lida ku si depreson?
Ke ku manda Nikki pensa di kuma i pirsisa di bai mediku? — Mat 9:12
Di kal manera ku Nikki konfia na Jeova pa i judal?