Ideias di ke ku bu pudi studa

Sera ki bu sta na benefisia di splikasons di testus di Biblia ku sta na Gia di Piskisa pa Tustumuñas di Jeova?

Es splikasons pudi judau piskisa fundu Palabra di Deus. Splikasons ku sta la pudi tene informasons di kuma ku kusas seduba, oca ku iventus ku faladu na versikulu di Biblia kontisi. Tambi es informasons ta splika pabia ke skirbidu, pa kin ki ta aplika, o signifikadu di sertus palabras o frasis.

BIBLIOTEKA NA INTERNET di Watchtower^™ ku JW Library^® ta pirmitiu tene asesu diretu pa referensias di Gia di Piskisa, atraves di un versikulu di Biblia. Bu pudi oja es referensias na parti di studu di kualker versons di Biblia ku sta la.

Ora ku bu na usa es referensias, jubi data. Artigus mas nobu ta mostradu riba. Bas di lista, bu na oja artigus antigu ku pudi tene ntindimentu ku mudadu.

• Referensias di Gia di Piskisa ta sta dispunivel di manera automatiku na BIBLIOTEKA NA INTERNET di Watchtower.

• Pa pirmiti referensias di versikulu na JW Library, baŝa Gia di Piskisa i baŝa atualizasons ora ke ten. Bu pudi fasi es riba di kualker kapitulu di Biblia ku sta na parti di studu.