FASI BU MINJOR NA MINISTERIU | OMENTA BU KONTENTAMENTU NA PREGASON
Usa no feramentas di piskisa
Jeova danu feramentas pa sina jintis diritu, suma pur isemplu videos, tratadus, rivistas, broŝuras, livrus ku Biblia, no feramenta prinsipal. (2 Tim 3:16) I danu tambi feramentas di piskisa pa judanu sibi splika ke ku Skrituras fala. Es nklui Watchtower Library, aplikativu JW Library®, BIBLIOTEKA NA INTERNET di Watchtower™, ku Guia de Pesquisa para Testemunhas de Jeová.
Bu na tene kontentamentu si bu usa feramentas ku ten pa fasi piskisa fundu na Biblia. Ka bu diskisi trena bu studantis aserka di kuma di usa es feramentas. Asin, elis tambi e na tene kontentamentu di oja respostas di se purguntas na Biblia.
JUBI VIDEO TENE KONTENTAMENTU NA FASI DISIPULUS — SETA AJUDA DI JEOVA — USA FERAMENTAS DI PISKISA, I DIPUS RUSPUNDI ES PURGUNTAS:
Ke ku Jadi fala aserka di kriason?
Nunde ku Neta oja informason aserka des asuntu?
Ora ku no oja rikesas ku sta na Palabra di Deus i no konta utrus el, no ta kontenti
Kuma ki kuji informason ku na mas da pa Jadi?
Kuma ku Neta sinti oca ki usa no feramentas di piskisa?