Ke ki pudi pui pa bu tene un vida di familia filis?

KE KI BIBLIA FALA

“Sortiadu i kilis ku ta obi palabra di Deus, e ta fasi suma ki fala.” — Lukas 11:28, Bíblia no Crioulo da Guiné-Bissau.

KUMA KES PUDI BENEFISIAU

Amor di bardadi. — Efésius 5:28, 29.

Rispitu di bardadi. — Efésius 5:33.

Union di bardadi. — Markus 10:6-9.

NO PUDI NA BARDADI FIA NA KE KI BIBLIA FALA?

Sin, pelu menus pa dus rason:

• Deus ku orijina vida di familia. Biblia fala kuma, Jeova Deus i kin ku “tudu familia . . . ta toma si nomi.” (Efésius 3:14, 15) I signifika, familia izisti pabia i Jeova ku krial. Ke ku manda es i importanti?

  Pensa so: Si bu kume un kumida sabi i bu misti sibi ke ki pui i sabi, kin ku bu na puntaba? Ku sertesa, algin ku purparal.

  Di mesmu manera, pa diskubri ke ki pudi pui un familia sedu filis, i bon diriẑi pa Jeova, ku orijina familia. — Kumsada 2:18-24.

• Deus ta preokupa ku bo. I bon pa familias ba ta buska konsijus ku Jeova ta da atraves di si Palabra. Pabia di ke? ‘Pabia i ta toma konta di bo.’ (1 Pedru 5:6, 7) Jeova ta nteresa ciu di bo — i si konsijus sempri ta da bon rusultadu! — Ditus 3:5, 6; Isaias 48:17, 18.