No Minjoria no Abilidadi na Pregason — Kontakta Tudu Jintis di No Tiritoriu

PABIA KI IMPORTANTI: Zakarias profetisaba ja di kuma jinti di tudu linguas di nasons na seta bon noba. (Zak 8:23) Ma kin ku na sina elis? (Rom 10:13-15) No tene privileẑiu ku responsabilidadi di konta bon noba pa tudu jintis di no tiritoriu. — od 84 §§ 10-11.

KUMA KU NO PUDI FASIL:

• Purpara. Sera ki bu ta kontra ku jintis ku ta papia utru lingua? Bu pudi usa aplikativu JW Language pa aprindi un apresentason simplis. O usa bu telemovel pa mostra algin kuma ki pudi oja mas informason na si lingua na jw.org.

• Sedu observadur. Si bu sta na prega di kasa pa kasa, ka bu pirdi opurtunidadi di prega jintis ku na pasa o kilis ku sta dentru di karu. Si bu sta na pregason publiku, manti konsentradu na bu objetivu ku sedu da tustumuñu.

• Pega tesu. Kontinua tenta buska kilis ku bu ka ojaba na kasa. Fasi sforsu di kontakta kada kin na kada moradia, talves na utru ora di dia o na utru dia di semana. Alguns moradoris talves pirsisa di kontaktadu atraves di karta, telefoni o tustumuñu na rua.

• Sigi interesi. Ka bu tarda pa riba pa sigi kualker interesi ku ojadu. Si algin ta papia utru lingua, tenta buska un algin ku pudi judal na si lingua. Bu dibi di kontinua visital te ora ki kontaktadu pa un publikadur ku ta papia si lingua. — od 94 §§ 39-40

JUBI VIDEO PREGAR “ATÉ A PARTE MAIS DISTANTE DA TERRA” I DIPUS KONSIDERA ES PURGUNTAS:

• 

  Kal purparasons ku irmons ku irmas fasi pa pudi kontakta jintis na tiritorius lunju? (1 Kor 9:22, 23)

• 

  Kal difikuldadis ke vensi?

• 

  Kal bensons ke risibi?

• Kal sforsus ku bu pudi fasi pa pudi kontakta mas jintis na bu tiritoriu?