Organizadus pa prega kualker algin

Suma ku Jeova organiza israelitas, asin tambi ki organiza si povu aos pa fasi si vontadi. Na mundu ntidu, filialis, sirkuitus, kongregasons, ku grupus di pregason tudu ta funsiona juntu pa prega bon noba. No ta prega kualker algin, nkluindu kilis ku ta papia utru lingua. — Apok 14:6, 7.

Sera ki bu sta na pensa aprindi un utru lingua pa pudi sina utrus bardadi? Nin si kontra bu ka na tene manga di tempu pa aprindi utru lingua, bu pudi usa aplikativu JW Language pa aprindi un apresentason simplis. I dipus bu pudi usal na pregason, i talves bu pudi tene mesmu kontentamentu, ku irmons di purmeru sekulu teneba, oca ku jintis di utru tera fika admiradu di obi “kusas garandi ku Deus fasi” na se propi lingua. — At 2:7-11.

JUBI VIDEO SEDU AMIGU DI JEOVA — PREGA NA LINGUA STRANJERU, I DIPUS RUSPUNDI ES PURGUNTAS:

• 

  Kal mumentu ku bu pudi usa aplikativu JW Language?

• 

  Kal ki alguns feramentas ki tene?

• 

  Kal linguas ku jintis ta papia na bu tiritoriu?

• Ke ku bu dibi di fasi si algin mostra interesi pa mensaẑen di Renu, ma i ta papia utru lingua? — od-TPO 100-101 §§ 39-41.