NO VIDA KRISTON
Kopera pa prega na tiritoriu nunde ki ta papiadu manga di lingua
Sempri jintis ta seta mensaẑen di Renu mas rapidu ora ke obil na lingua ke mama. Talves i kila ku pui na Pentekostis di 33 EK, Jeova fasi pa judeus ku sedu “omis riliẑiosu ku bin di tudu nason di mundu” obi bon noba na ‘lingua ke padidu nel’. (At 2:5, 8) Aos, na zonas nunde ki ta papiadu manga di lingua, kongregasons ku ta fasi runion na diferentis lingua pudi junta tiritoriu. Kuma ku publikaduris di ki kongregasons pudi kopera pa da tustumuñu pa tudu jintis i ivita di tarbaja na mesmu zona sin nesesidadi, pa ka irita moraduris?
Papia di asuntu (Dit 15:22): Superintendentis di sirvisu dibi di sinta, e papia entri elis, i e fasi un planu ke na konkorda kel, pa prega bon noba. Si se tiritoriu limitadu, kongregasons ku na prega na utrus lingua pudi talves kamba kasas di se tiritoriu nunde ki ta papiadu lingua di utru kongregason. Ma si e ka pudi kubri sempri se tiritoriu pabia i garandi dimas, e pudi pidi bos pa ka kamba nin un kasa, ma pa bo konta elis si un algin mostra interesi na se tiritoriu. (od-T 93 § 37) O e pudi pidi bo kongregason pa bo juda elis oja jintis ku ta papia lingua di se kongregason i da elis se inderesu. (km-T 7/12 5, kuadru) Lembra kuma na alguns kasu, i ta papiadu diferenti lingua na un kasa. Aranẑu pa kubri tiritoriu dibi di sta di akordu ku lei ku ta proteẑi dadus pesual di algin.
Kopera (Ef 4:16): Sigi ben kualker orientason ku bu risibi di superintendenti di sirvisu. Sera ki bu sta na studa Biblia ku un algin ku pirfiri un lingua ki ka lingua di bu kongregason? Talves studanti pudi progredi mas rapidu si bu pasa si studu pa kongregason o grupu mas pertu, ku ta papia si lingua.
Purpara (Dit 15:28; 16:1): Si un morador na bu tiritoriu ta papia un lingua diferenti, fasi bu minjor pa kontal bon noba. Bu pudi pensa na lingua ku bu pudi kontra kel ora ku bu na purpara, i baŝa ba ja traduson di Biblia ku videos na bu telemovel. Bu pudi tambi usa aplikativu di JW Language pa aprindi fala manteña na alguns linguas.