No minjoria no abilidadi na pregason — Para studus bibliku ku ka sta na fasi progresu

PABIA KI IMPORTANTI: Jintis dibi di coma nomi di Jeova pa e pudi sedu salvu. (Rom 10:13, 14) Ma i ka tudu kilis ku seta studa Biblia ku misti vivi di akordu ku normas di Jeova. No ta fasi bon usu di no tempu presiosu na ministeriu, atraves di juda kilis ku na bardadi misti fasi mudansas pa kontenta Jeova. Si un studanti di Biblia ka sta na fasi progresu dipus di un tempu razuavel, i minjor pa no pui no sforsu na kilis ku Jeova tisi pa rel i pa si organizason. (Jon 6:44) Sin duvida, si dipus di un tempu, i bin da prova di kuma i sedu “distinadu [o dispostu] pa vida”, no na tene prazer di retoma si studu. — At 13:48.

KUMA KU NO PUDI FASIL:

• Eloẑia studanti manera ki tene diseẑu di tene kuñisimentu izatu. — 1 Tim 2:4.

• Distaka importansia di aplika ke ki aprindi. — Luk 6:46-49.

• Ku bondadi, papia di komparason di Jesus aserka di sumiadur, i falal pa i pensa na ke talves ku sta na tujil fasi progresu. — Mat 13:18-23.

• Ku rispitu, splikal pabia ku bu na para studa ku el.

• Splikal kuma, bu na ba ta dati bu pasa pa nkoraẑal, tambi studu pudi bin retomadu si i fasi progresu.

MOSTRA VIDEO, I DIPUS RUSPUNDI ES PURGUNTAS:

• Ke ku bu nota na se kombersa ku ta mostra di kuma studanti ka sta na fasi progresu spiritual?

• Kuma ku publikadur juda studanti ntindi kuma i pirsisa di fasi mudansas?

• Kuma ku publikadur disa porta abertu pa retoma studu na futuru?