Pasa tempu ku kilis ku ama Jeova

Pabia ku no dibi di pasa tempu ku kilis ku ama Jeova? Pabia kilis ku no ta pasa tempu kel ta nfluensianu di manera pusitivu o negativu. (Dit 13:20) Pur izemplu, Rei Joás fasi “kil ki diritu dianti di SIÑOR” oca ki ta pasa tempu ku Ŝef di Saserdoti Jeoiada. (2 Kron 24:2) Dipus ku Jeoiada muri, Joás bandona Jeova pabia di mau kumpañerasku. — 2 Kron 24:17-19.

Na purmeru sekulu EK, apostulu Paulu kompara kongregason kriston suma “kasa garandi” i membrus di kongregason suma “losa” o kusas di kasa. No ta kontinua sedu “suma ki losa di lugar di onra” ora ku no ivita di tene asosiason intimu ku kualker algin, mesmu si membru di no familia o di kongregason, ku ta fasi ke ku ka ta kontenta Jeova. (2 Tim 2:20, 21) Asin, no kontinua fasi amizadi ku kilis ku ama Jeova i ku ta nsentivanu sirbil.

JUBI VIDEO APRENDA A REJEITAR MÁS COMPANHIAS, I DIPUS RUSPUNDI ES PURGUNTAS:

• Kuma ku no pudi pasa tempu ku mau jintis sin pirsibi?

• Nes video dramatiku, ke ku juda es tris kristons kaba ku mau kumpañerasku?

• Kal prinsipius di Biblia ku pudi judau kuji diritu kin ku bu na asosia kel?