Sina ku animu

Si no tene animu utrus tambi na tenel. I pudi atrai atenson di kilis ku na obinu. I ta mostra tambi kuma no valoriza no mensaẑen. I ka mporta kal ki no kultura, oriẑen o personalidadi, no pudi disenvolvi animu. (Rom 12:11) Kuma ku no pudi fasil?

Purmeru, pensa na importansia di bu mensaẑen. Bu tene privileẑiu di “konta Bon Noba!” (Rom 10:15) Sugundu, pensa na bon efeitu ku bon noba pudi tene na kilis ku na sukutau. Na bardadi, e pirsisa di obi ke ku bu tene pa fala elis. (Rom 10:13, 14) Pa fin, papia ku zelu, fasi ẑestu natural, tambi bu rostu dibi di mostra ke ku bu na sinti na bardadi.

JUBI VIDEO TENE KONTENTAMENTU NA FASI DISIPULUS — MINJORIA BU ABILIDADIS — SINA KU ANIMU, I DIPUS RUSPUNDI ES PURGUNTAS:

• 

  Ke ku pui animu ku Neta teneba rapati, pa studu ki ta fasi ku Jadi?

• 

  Ke ku juda Neta rekupera mas si animu?

• 

  Ke ku manda no dibi di konsentra na kualidadis pusitivu di kilis ku na sukutanu?

• Kal efeitu ku no animu pudi tene na no studantis di Biblia i na utrus?