FASI BU MINJOR NA MINISTERIU | OMENTA BU KONTENTAMENTU NA PREGASON
Nsina bu studantis di Biblia alimenta spiritualmenti
Pa pudi juda elis kunsi Jeova i sedu kristons maduru, studantis di Biblia ka dibi di aprindi so bardadis ku no ta nsina elis. (Mat 5:3; Eb 5:12–6:2) Ma tambi e dibi di aprindi alimenta se kabesa spiritualmenti.
Desdi kumsada di studu, sina bu studantis di Biblia kuma ke pudi purpara pa se studu, i nkoraẑa elis pa e fasi kila. (mwb18.03 6) Nsentiva elis pa fasi orason antis de kumsa kada seson di se studu pesual. Juda elis pa e pudi baŝa i pa e usa feramenta diẑital pa studu. Juda elis pa e pudi oja ke di nobu ku ten na jw.org ku JW Broadcasting®. Puku-puku nsina elis pa e lei Biblia kada dia, purpara runions di kongregason, i fasi piskisa ku na ruspundi se purguntas. Juda elis pa e medita na ke ki e aprindi.
JUBI VIDEO JUDA BU STUDANTIS DI BIBLIA ALIMENTA SPIRITUALMENTI, I DIPUS RUSPUNDI ES PURGUNTAS:
Kuma ku Neta juda Jadi oja di kuma, studa i mas di ki so sibi raspostas?
Ke ku juda Jadi sta konvensidu di kuma, Jeova tene diritu di tuji pekadu seksual?
Nsina bu studantis kuma ku e pudi aprindi informason importanti i kuma ke pudi aplika elis.
Ke ku Jadi pasa na ntindi aserka di meditason?