FASI BU MINJOR NA MINISTERIU | OMENTA BU KONTENTAMENTU NA PREGASON
Juda bu studantis di Biblia mati runions
Runions di kongregason i un parti importanti di adorason puru. (Sal 22:22) Tudu kilis ku ta junta pa adora Jeova ta oja kontentamentu ku bensons. (Sal 65:4) Normalmenti, studantis di Biblia ta fasi progresu mas rapidu ora ke na mati runions sempri.
Kuma ku bu pudi juda bu studantis di Biblia pa mati runions? Kontinua kumbida elis pa e mati runions. Mostra elis video Ke ku Ta Akontisi Na Salon di Renu? Splika elis ke ke na gaña se mati runions. (lff lison 10) Bu pudi konta elis un di kusas ku bu aprindi na runion o di un kusa ku na bin faladu del na runion. Da bu studantis publikasons ku na usadu na runion. Tambi, da elis ajuda pratiku. Talves e na pirsisa di ajuda pa pudi bin runion. Kualker sforsu ku bu fasi na sedu bon, si bu studanti mati runion pa purmeru bias. — 1 Kor 14:24, 25.
JUBI VIDEO JUDA BU STUDANTIS DI BIBLIA MATI RUNIONS, I DIPUS RUSPUNDI ES PURGUNTAS:
Kal opurtunidadi ku Neta usa pa kumbida Jadi pa runions di kongregason?
Ke ku manda no ta kontenti ora ku un studanti mati runions?
“Na bardadi, Deus sta na bo metadi!”
Ke ku Jadi oja oca ki mati si purmeru runion?