NO VIDA KRISTON
Pastoris ku ta fasi se minjor pa juda povu di Jeova
Manga di jinti ka ta konfia na kilis ku tene otridadi. No pudi ntindi pabia ke ka ta konfia nelis. Manga di jintis abusa di se otridadi pa benefisia se kabesa. (Mik 7:3) No na gardisi ciu pa manera ku no tene ansions na kongregason ku trenadu pa usa se otridadi pa juda povu di Jeova. — Est 10:3; Mat 20:25, 26.
Diferenti di otridadis des mundu, ansions ta fasi tarbaju suma pastoris pabia di amor ke tene pa Jeova i pa si povu. (Jon 21:16; 1 Ped 5:1-3) Bas di orientason di Jesus, es pastoris ta juda kada publikadur pa i sinti di kuma i fasi parti di familia di adoraduris di Jeova, i pa i pertusi di Jeova. E ta aẑi kinti-kinti pa da nkoraẑamentu pa karnelis di Jeova i pa juda ora ki ten emerẑensia mediku o ora ki ten disastris natural. Si bu pirsisa di ajuda, sta avontadi pa papia ku ansions di bu kongregason — Tiagu 5:14.
JUBI VIDEO PASTORIS KU TA KUIDA DI KORAL, I DIPUS RUSPUNDI ES PURGUNTAS:
Kuma ku Mariana benefisia di ajuda di ansions?
Kuma ku Elias benefisia di ajuda di ansions?
Dipus di jubi es video, kuma bu sinti aserka di tarbaju ku ansions ta fasi?