Ideias di ke ku bu pudi studa
Nkorna “kantigas spiritual”
Lorraine di Stadus Unidu di Amerika fala sin: “Ora ku N sta tristi dimas, Jeova ta nkoraẑan atraves di kantikus ku sta na JW Broadcasting®.”
“Kantigas spiritual” sempri fasi parti di adorason pa Deus. (Kol 3:16) Si bu nkorna es kantigas, te mesmu e pudi judau ora ku bu ka tene un livru di kantiku o un apareliu eletroniku. Tenta sigi es orientason ku dadu pa nkorna alguns kantikus.
Lei letras di kantiku diritu pa ntindi ke ke misti fala. I na sedu mas fasil lembra di informason, si bu ntindi ke ki misti fala. Letras di tudu no kantigas, nkluindu klips di musika ku musikas pa mininus sta na jw.org. Na parti Biblioteka, bu pudi bai pa Musika.
Skirbi letras di musika na un foja. Es na judau lembra delis. — Lei 17:18.
Nsaia ku vos altu. Lei letras di kantiku o kantal manga di bias.
Jubi si kontra bu na lembra di manga di kusas. Tenta lembra di palabras sin jubi elis, i dipus jubi si bu konsigi.