Benefisia mas di fotos ku diseñus

No publikasons ta tene manga di fotos ku diseñus ku ta nsina pontus importanti. Kuma ku bu pudi benefisia mas des ajudas visual?

• Antis di lei un artigu, jubi inda fotos o diseñus ku sta la. Kila pudi lebau na misti sibi mas i dau vontadi di lei artigu. Ora ku bu oja un kumida sabi na pratu, bu ta fika ku yagu na boka i bu ta misti kumel. Pa kila, punta bu kabesa: ‘Ke ku N sta na oja?’ — Amós 7:​7, 8.

• Konformi bu na lei un artigu, pensa na ke ku manda ki fotos o diseñus pudu la. Lei liẑendas ku splikasons di fotos o diseñus si e sta la. Pensa na kuma ku fotos o diseñus sta ligadu ku paragrafu o artigu, i kuma ku bu pudi aplika na bu vida ke ku bu aprindi di ki fotos o diseñus.

• Ora ku bu kaba lei, usa fotos o diseñus pa fasi revison di pontus prinsipal di artigu. Dipus, fica uju i tenta lembra di fotos o diseñus juntu ku lisons ku bu aprindi delis.

• Pabia ku bu ka na jubi mas fotos ku diseñus ku sta nes Sintinela i jubi si bu na konsigi lembra di ke ku bu aprindi?