Usa Tene un Vida Filis! pa juda utrus tene fe na Jeova ku Jesus

Pa kontenta Deus, studantis di Biblia dibi di tene fe forti. (Eb 11:6) No pudi toka se korson ora ku no na usa livru Tene un Vida Filis! Es livru di studu tene testus di Biblia importanti, rasiosinu klaru, bon purguntas, videos ku ta toka korson, ku diseñus o fotos bonitu. Ora ku no na juda studantis tene maneras di sedu kriston i tene amisadi ku Deus, no ta sta na kumpu ku materialis ku fugu ka ta dana. — 1 Kor 3:12-15.

Alguns jintis ta pensa kuma i difisil sedu amigu di Deus, un algin ke ka pudi oja. Pa kila, no dibi di juda elis kunsi Jeova i tene konfiansa nel.

JUBI VIDEO USA LIVRU “TENE UN VIDA FILIS!” PA JUDA UTRUS TENE FE NA JEOVA, I DIPUS RUSPUNDI ES PURGUNTAS:

• Kuma ku no sibi kuma es irma purpara ben pa studu?

• Kuma ki i usa ben utrus purguntas pa fasi studanti konta ke ki i na pensa i ke ki i na sinti aserka di Isaias 41:10, 13?

• Kuma ku video ku versikulus di Biblia toka studanti?

Manga di jintis ka ta ntindi sakrifisiu di resgati, o e ka ta ojal suma un prenda di Deus pa relis. (Gal 2:20) Ma, no dibi di juda elis tene fe na sakrifisiu di resgati di Jesus.

JUBI VIDEO USA LIVRU “TENE UN VIDA FILIS!” PA JUDA UTRUS TENE FE NA JESUS, I DIPUS RUSPUNDI ES PURGUNTAS:

• Kuma ku no sibi kuma e ermon purpara ben pa studu?

• Kuma ki kuji diritu materia ku sta na parti “Tene Mas Informason” pa juda studanti?

• Ke ku manda orason i importanti pa studanti?