Studa ku objetivu di konta utrus ke ku bu aprindi

Ora ku no na studa Biblia, no ta sinti ben. Ma no mas ta sinti ben, ora ku no na papia ku utrus di kusas ku no aprindi i ku judanu pertusi mas di Jeova. Ditus 11:25 fala sin: “Kil ku ta juda i ta judadu.”

Ora ku no konta utrus ke ku no aprindi, kila ta judanu lembra mas diritu di kusas ku no aprindi, tambi i ta aumenta no ntindimentu. Suma es kusas pudi juda utrus, no ta kontenti di konta elis ke ku no aprindi. — At 20:35.

Tenta es: Na semana ku na bin, buska oportunidadi di konta ke ku bu aprindi pa un algin. Bu pudi fasil ku un membru di familia, algin na kongregason, un kolega di tarbaju, un kolega di skola, un visiñu o un algin ku bu oja na pregason. Tenta konta es informason na bu propi palabras di manera simplis i klaru.

Lembra: Konta ke ku bu aprindi pa nkoraẑa utrus, ma i ka pa fasi elis fika dimiradu ku bo. — 1 Kor 8:1.