Apruveita ben di referensias ku ta sta na versikulus di Biblia

Referensias di versikulus ku sta na Tradução do Novo Mundo da Bíblia Sagrada, mostra di kuma manga di partis di Biblia sta di akordu ku n̈utru, pabia i tene lista di utrus versikulu ku papia di mesmu asuntu i ku da mas informason. Pa oja es referensias jubi na ki letra pikininu ku ta sta pertu di palabra. Si bu sta na usa Biblia mprimidu, jubi ki letra na kuluna ku sta na metadi, pa oja testus ku sta ligadu ku ki versikulu. Si bu sta na usa jw.org o aplikativu JW Library^® klika na ki letra pa oja testus di Biblia ku sta ligadu ku versikulu.

Referensias ku sta na versikulus pudi lebau pa kualker un des kusas o utrus:

Mesmu asuntu: Referensia pudi lebau pa utru parti di Biblia ku fala di mesmu asuntu. Pur isemplu, jubi 2 Samuel 24:1 ku 1 Kronikas 21:1.

Sitason: Referensia na mostrau nunde ku un frasi o un palabra sai nel. Pur isemplu, jubi Mateus 4:4 ku Ripitison di Lei 8:3.

Kumprimentu di profesia: Referensia ta lebau pa un profesia i kuma ki kumpri. Pur isemplu, jubi Mateus 21:5 ku Zakarias 9:9.