No Minjoria No Abilidadi Na Pregason — Juda kilis ku sta dispostu pa sedu disipulu

PABIA KI IMPORTANTI: Jeova ta fasi pa simintera di bardadi kirsi na korson di ‘kilis ku sta distinadu [o dispostu] pa vida ku ka ta kaba’. (At 13:48; 1 Kor 3:7) No ta kolabora ku el atraves di konsentra no sforsus na ministeriu na juda kilis ku misti aplika ke ke aprindi. (1 Kor 9:26) Studantis di Biblia pirsisa di ntindi kuma pa tene salvason, i pirsis e batiza suma kriston. (1 Ped 3:21) No ta juda elis sedu disipulu atraves di nsina elis fasi mudansas na se vida, mostra elis kuma di prega ku nsina, i dedika se vida pa Jeova. — Mat 28:19, 20.

KUMA KU NO PUDI FASIL:

• Lembranta studantis di Biblia ki objetivu di studu i pa juda elis ‘kunsi’ Jeova i kontental. — Jon 17:3

• Juda elis fasi progresu spiritual, atraves di vensi disafius, suma mau abitus ku kumpañerasku ku ka bali.

• Fortalisi i nkoraẑa elis antis i dipus di batismu. — At 14:22

MOSTRA VIDEO JEOVA DEUS NA JUDAU, I DIPUS RUSPUNDI ES PURGUNTAS:

• Kal medu ku pudi tuji algin dedika i batiza?

• Kuma ku ansions pudi juda studantis di Biblia fasi progresu spiritual?

• Ke ku Isaias 41:10 ta nsinanu aserka di Jeova?

• Kal kualidadis ku na judanu sirbi Jeova di manera ki na seta apesar no sedu mperfeitu?