STUDU 5

Leitura izatu

1 Timótiu 4:13

RUSUMU: Lei ku vos altu izatamenti ke ku skirbidu.

Purpara diritu. Pensa na pabia ku es pasaẑen skirbidu. Ba ta pratika lei grupu di palabra en ves di lei so palabra pa palabra. Toma kuidadu pa ka buri, salta, o troka palabras. Rispita tudu sinal di pontuason suma virgula, pontu o pontu di interogason.

Pidi un amigu pa i sigi bu leitura i pa i kontau tudu palabra ku bu ka lei diritu.
Purnunsia diritu kada palabra. Si bu ka sibi kuma ku un palabra ta purnunsiadu, jubi na disionariu, obi gravason di un publikason, o pidi un bon leitor pa i judau.
Papia klaru. Purnunsia diritu, yalsa kabesa i yabri boka sufisienti. Sforsa pa purnunsia kada silaba.

Ka bu purnunsia di un manera izaẑeradu pabia bu leitura ka na sedu natural.