STUDU 11

Papia ku animu

Romanus 12:11

RUSUMU: Stimula i motiva kilis ku na sukutau atraves di papia ku zelu.

Nvolvi bu korson. Ora ku bu na purpara pa bu disignason, pensa diritu na importansia di bu mensaẑen. Kunsi ben materia na judau papia di korson.
Pensa na kilis ku na sukutau. Pensa na kuma ku informason ku bu na lei o ku bu na nsina na benefisia utrus. Pensa na kuma ku bu pudi fasi disignason, pa kilis ku na sukutau mostra inda mas apresu pa ki informason.
Fasi bu disignason di manera vivu. Papia ku zelu. Fasi ẑestu natural, tambi bu rostu dibi di mostra ke ku bu na sinti na bardadi.

Ka bu tene abitu di fasi mesmu ẑestu, pabia kila pudi distrai kilis ku na sukutau. Fasi ẑestus natural. Papia ku animu spesialmenti ora ku bu na nsina pontus prinsipal i ora ku bu na motiva kilis ku na sukutau pa e aẑi. Ka bu papia ku animu duranti tudu bu disignason pabia kila na kansa kilis ku na sukutau.