¿Siemprechu sufrisha causashun?

BIBLIACA CAITAMI YACHACHIN

Taita Diosca “paicunapu ñagüimundaca tuqui güiquitami fichanga, guañuishi, guaquishi, llaquishi, nanishi ña mana tiyangachu.” (Revelación o Apocalipsis 21:3, 4, Traducción del Nuevo Mundo.)

CAITA YACHANACA ¿IMASHINATI AYUDAN?

Taita Dios llaquicunata mana churashcata alli yachashun (Santiago 1:13).

Taita Dios ñucunchipu llaquicunamunda precuparishcata yachesha, contento sintirishun (1 Pedro 5:7).

Shamuc funllacunapi llaquicuna tucurigrishcata yachashun (Salmo 37:9-11).

¿IMAMUNDATI BIBLIA NISHCATA CRINA CANCHI?

Cai yuyicunata rricushun:

• Taita Diosca llaquicunata, milli gentecunata mana rricunayachinchu. Ñaupa funllacunapi paipu llactata llaquichicushcata rricushaca Taita Diosca ¿imashinati sintirirca? Bibliaca, ‘paicunata llaquichicushcata rricushaca Jehova Diosca achcata llaquirirca’ nin (Jueces 2:18).

  Taita Diosca mana munanchu cutishuc gentecunata llaquichichun. Bibliaca milli gentecunata, “degana guañuchiccunata” Taita Diosca mana rricunayachinchu nin (Proverbios 6:16, 17).

• Taita Diosca cada unomundami precuparin. Na yuyanachu cangui, ñuca shungupi “ima llaqui, ima nani” tiyishcataca ni pi na yachanchu nisha. Quiquin ima pasacushcataca Jehova Diosca allimi yachan (2 Crónicas 6:29, 30).

  Paipu gobiernota utiliceshami ñalla cada unopu llaquicunata tucuchinga (Mateo 6:9, 10). Chicamaca paita tuqui shunguguan mashquecpica, Taita Diosca llaquilla cacpi ama demos precuparichun ayudanga (Hechos 17:27; 2 Corintios 1:3, 4).