Diospu Reinoca ¿imati can?

BIBLIACA CAITAMI YACHACHIN

“Jagua cielo Taita Diosca nunca na tucuchishca cana mandanatami churanga.”(Daniel 2:44, Traducción del Nuevo Mundo.)

“Ñucunchimuca shuc churitami cushca, paipu maquipimi mandanataca churanga.”(Isaías 9:6.)

CAITA YACHANACA ¿IMASHINATI AYUDAN?

• Shuc alli gobiernomi can. Chimunda cada unota ayudi pudin (Isaías 48:17, 18).

• Ñallami shuc mushuc allpapi, mana ungushalla, contento causashun (Revelación o Apocalipsis 21:3, 4).

¿IMAMUNDATI BIBLIA NISHCATA CRINA CANCHI?

Cai yuyicunata rricushun:

• Jesusca Diospu Gobierno imata rragrishcatami rricuchirca. Paica paipu caticcunamuca Diospu Gobierno shamuchun, Diospu muni cai allpapishi factarichunmi mañachun yachachirca (Mateo 6:9,10). Shinaiti chi mañashca imashina factarinatashi rricuchirca.

  Jesus cai allpapi queshaca gentecunamu cararca, ungushcacunata jambirca, guañushca gentecunatashi causachirca (Mateo 15:29-38; Juan 11:38-44). Shinaiti, Jesusca Diospu Gobiernopi rey tucusha, cazuc, alli gentecunamu cai gobierno ima maravilla cosascunata cugrishcata rricuchirca (Revelación 11:15).

• Tuqui mundopi ima tucucushcata rricushami, Diospu Gobierno ñalla chayamugrishcata yachanchi. Diospu Gobierno nari cai allpapi alli causita cucpica, Jesusca tuqui mundopimi achca terremotocuna, guerracuna, achca yariquishi tiyanga nirca (Mateo 24:3, 7).

  Cunun funllacunami tuqui cai llaquicunata ricucunchi. Chimundami seguros canchi Diospu Gobierno ñalla tuqui llaquicunata tucuchigrishcata.