Jesuspa wañuyninta yuyarinapaq sumaqta wakichikuna
Jesuspa qhipanta puriqkunaqa, paypa wañuyninta yuyarinankupaq may kusiywan tukuy imata wakichinku (Luc. 22:19). Manaraq chay pʼunchay chayamuchkaptintaq, ¿imastá ruwananchik tiyan?
◼ Maypichus, ima horapichus. Jesuspa wañuyninta yuyarinapaq tantakuy, maypichus, ima horachus ruwakunanta ima, tukuy yachananku tiyan. Chay tantakuyman manaraq qallarichkaptin chayayqa, may allin, tukukuptin allillanmanta ripuypis may allillantaq, astawanraq chay Tantakunapaq Wasillapitaq wak qutuchakuy tantakuptin, mana yaykuna punkupi, aceraspi, autota sayachinapi ima, achkha runas tantakunankupaq.
◼ Invitaciones. Qutuchakuymanta, ¿tukuy hermanosñachu invitacionesniyuq kanku? Chantapis, ¿imatachus chay invitacionespi nisqanta yachankuñachu? ¿Chay invitacionta runaman jaywanaykipaq wakichikunkiñachu? ¿Pimantaq jaywanki? Chay invitacionesta tukuy runasman jaywanaykipaq mayta kallpachakuy.
◼ Kay tantakuyman jamunankupaq yanapana. Kay tantakuyman jamuyta munaqkunamanta, chayri hermanosninchikmanta wakinqa, kay tantakuyman jamunankupaq ichá autopi apanata, chayri ima yanapatapis necesitanqanku.
◼ Tʼanta, vino ima. Ancianos: manaraq Inti yaykupuchkaptin mana tʼantata nitaq vinotapis runaman jaywakunanpaq sumaqta qhawariychik. Chantapis akllasqa kaqkunamanta juk hermano, unqusqa kasqanrayku mana tantakuyman jamuyta atiptinqa, chay hermanoman tʼantata, vinota ima, apayta atinkichik. Chantapis tʼantata, vinota ima, maychus kaqta wakichinaykichik tiyan (La Atalaya 15 febrero 2003, 14, 15 paginaspi, 14, 17 parrafosta ñawiriy).
◼ Tantakunapaq Wasi. Ñawpaqmantapacha Tantakunapaq Wasita sumaqta llimphuchanapaq wakichikuna, jinallataq allin mesata, mantelta, platosta, copasta ima, wakichina. Kay tantakuy wak wasipi ruwakuptintaq sistema de sonido nisqa, allin kanan tiyan, uyariqkuna umallarichiqta sumaqta uyarinankupaq. Qamkuna ancianos, kay tantakuypaq ñawpaqmantapacha yanapaqkunata, tʼantata, vinota jaywaqkunata ima, akllaychik, chantá imatachus ruwanankuta, allin pʼachallisqas rinankuta ima, allinta sutʼinchaychik.
Jesuspa wañuyninta yuyariyqa, may allin, chayraykutaq sapa jukninchik chay pʼunchaypaq sumaqta wakichikunanchik tiyan. Jehová juk kʼata Churinta ñuqanchikrayku wañupunanta saqisqanmanta mayta agradecekuptinchikqa, Jehová Diosninchik, mayta bendeciwasunchik.