Tukuyman willanachej
1. ¿Imapitaj uj sumaj willajwan, uj sumaj carpinterowan rikchʼakun?
1 Uj sumaj carpinteroqa, ashkha herramientasniyoj, sapa herramientanta imaynatachus, maykʼajchus apaykachananta ima yachan. Noqanchejpis, imaymana herramientasniyoj kanchej, willayninchejta juntʼanapaj. Sutʼincharinapaj; “tukuy[...]” runasman willamunapaj, tukuy laya folletos kapuwanchej (1 Cor. 9:22). Kay Reinomanta Willayninchej hojitapi, “¿Kay folletoswan willashanchejchu?”, nisqa yachaqana rikhurin, chaypitaj, pikunapajchus folletos ruwakusqanta, imaynatachus runasman jaywananchejta ima willakushan.
2. ¿Maykʼajtaj folletosta saqenanchej tiyan?
2 ¿Maykʼajtaj folletosta saqenanchej tiyan? Sumaj carpinteroqa, maykʼajchus ima herramientatachus allinta apaykachananta yachan. Kikillantataj noqanchejpis willashaspa, folletota saqenanchej kasqanta reparanchej chayqa, chay killapi waj publicacionwan llankʼashaspapis, folletota saqeyta atisunman. Sutʼincharinapaj, Yachachin librowan llankʼana kajtinpis, lugarninchejpi runas mana cristianoschu kajtinku, pisillata Bibliapi interesakujtinku ima, ichapis allin kanman chay runasman folletosninchejmanta mayqellantapis saqenanchej, ajinamanta niraj librota saqeshaspa yachakuyta munananpaj yanapasunman.
3. ¿Imaraykutaj publicacionesninchejta maychus kajta apaykachananchej tiyan?
3 Bibliaqa, kʼuchi kʼuchilla llankʼaj runa may sumajpaj qhawasqa kasqanta parlan (Pro. 22:29). Cheqamanta nisunman “Diospa evangelionta” willayqa, ima llankʼaymantapis aswan sumaj kasqanta (Rom. 15:16). Sumaj “trabajaj [...] mana imamanta pʼenqaku[j]” kananchejpajtaj, maychus kajta publicacionesninchejta apaykachana tiyan (2 Tim. 2:15).