Apaykachanapaj
¿Kay folletoswan willashanchejchu?
Diospa masin kayta atinki
Pisillata leeyta yachajkunapaj ruwasqa kashan
Ajinata nisunman: “¿Diospa masin chayri amigon kayta atisunmanchu? [Kutichinanta suyariy, chantá Santiago 2:23 leey.] Kay folletoqa, Abraham jina Diospa amigon kayta atinanchejpaj ruwasqa kashan”, nispa.
Kayta ruwawaj: Ñawpaj kutirayku parlarishanki chayri Bibliamanta yachakuyta munajman kutishanki chayqa, imaynatachus Bibliamanta yachachisqanchejta rikuchinapaj, ñawpaj yachaqanamanta tukuy parrafosninta chayri wakillanta ukhunchariychej.
¿Runasta Dios munakunchu?
Wajchaspaj, ñakʼarejkunapaj ima ruwasqa kashan
Ajinata nisunman: “¿Imaraykutaj Dios runas ñakʼarinankuta saqen?, nispa maykʼajllapis tapurikorqankichu. [Kutichinanta suyariy.] Kay folletoqa mana kay tapuyllamanchu kutichin, manaqa runa pay kikinpaj, Jallpʼanchejpajwan, ima llakiykunatachus rikhurichisqanta, Dios allinchananta rikuchiwanchej.” [Salmo 145:16 leey, kaytaj página 27 párrafo 22 kashan chantá párrafo 23 leey, urapi kaj dibujota rikuchiy.] Munajtintaj folletota saqey.
Kayta ruwawaj: Kay folletowan qhepakun chayqa, kutinaykipaj kay tapuyta ruway: “¿Imaynatachus Dios munayninta juntʼananpaj bendicionesta runaspaj apamunanta, Jallpʼatataj paraisoman tukuchinanta ima, yachayta munawajchu?”, nispa.
Wañupuqpa espiritun ¿Pitapis yanapanchu?, chayri ¿ñakʼarichinchu? ¿Kanpunitaqchu?
Wañusqasta manchachikojkunapaj ruwasqa kashan
Ajinata nisunman: “Ashkha runas, maypichus espiritus kachkanku chayman wañupojkuna ripusqankuta yuyanku. ¿Imatá qan chaymanta yuyanki? [Kutichinanta suyariy.] Biblia wañusqas imaynachus kashasqankuta sutʼimanta willawanchej [Eclesiastés 9:5, 10 leey]. Kay folletoqa Jallpʼa Paraisoman tukojtin, familianchejmanta wañupojkuna kawsarimunankuta willawanchej”, nispa.
Kayta ruwawaj: Bibliamanta yachakuyta munajman kutispa, imamantachus ñawpaj kutipi, parlariyta munasqanta reparasqa, kay Yachachin libromanta yachaqana 6, 7 chayri 10 ukhunchariychej.
Familiamanta pillapis wañupuptin
Familiamanta pillapis wañupojtin sunquchanata necesitajkunapaj ruwasqa kashan
Ajinata nisunman: “Kay folletoqa may chhika runasta sonqochan, uj suyakuyta ima qon, familiamanta pillapis wañupojtin. Wañusqakunapaj, ¿ima suyakuytaj kan? [Kutichinanta suyariy.] Bibliaqa Dios wañusqasta kawsarichimunantapuni willan”, nispa. [Juan 5:28, 29 chantá página 27 párrafo 5 leey, página 31 dibujontataj rikuchiy.] Kay folletota munajtin, saqey. Waj pʼunchay, kutinaykipaj kay tapuyta ruway: “¿Imaynatá wañuy manaña kananta yachasunman?”, nispa.
Kayta ruwawaj: Kay folletowan qhepakun chayqa, jinata niwaj: “Waj pʼunchay kutimuspa kay tapuyman kutichiykiman”, nispa. Kutispataj, página 5 párrafo 4 ukhunchariychej.
¿Sunqu juntʼasqa kawsayta tarisunmanchu?
Mana religionniyojkunapaj ruwasqa kashan
Ajinata nisunman: “Ashkha runas sonqo juntʼasqa kawsakuyta munanku. Tukuypis, chʼampaykunarayku may phutisqas kawsanchej. Chayraykutaj atienekunapaj jina familiarninchejpi, amigonchejpi, librospi, Internetpi ima yuyaychaykunata maskʼanchej. ¿Qamrí maypitaj yuyaychayta maskʼanki? [Kutichinanta suyariy.] Wakinkuna, kusisqa kawsakunankupaj Bibliapi yuyaychaykunata tarispa mayta tʼukunku. Sutʼincharinapaj, [yachaqana 2 rikuchiy, chantá Bibliamanta mayqen versiculollatapis leey]. Kay folletoqa sonqo juntʼasqa kawsakunapaj ruwasqa kashan”, nispa.
Kayta ruwawaj: Folletowan qhepakun chayqa, jinata niwaj: “Ashkha runas, Biblia may pantasqa kasqanta yuyanku. Waj pʼunchay kutimuspa, Biblia maychus kajtapuni nisqanta qhawarisunchej”, nispa. Kutispataj página 12 párrafo 4 ukhunchariychej.