Sumaj willaykuna folletowan yachachina
1. ¿Imayna wakichisqataj Sumaj willaykuna folleto kashan?
1 Julio killamanta Reinomanta Willayninchej hojitapi yachakorqanchej jina, Bibliamanta yachachinapaj sumaj yanapaqa ¡Diosmanta jamoj sumaj willaykuna! folleto. Chay folletopi textosqa mana copiasqachu kashan, yachakoj Bibliapi leerinanpaj. Waj publicacionesninchejqa sapa uj yachakuyta atinanpaj jina ruwasqa kashan. Chaywanpis kay folletoqa yachachejwan khuska ukhunchanapaj. Chayrayku, kay folletota pillamanpis saqeshaspaqa imaynatachus yachachisqanchejta rikuchina. Jinamanta reparanqa Bibliamanta yachakoyqa sumaj kasqanta (Mat. 13:44).
2. ¿Imaynatá Sumaj willaykuna folletowan Bibliamanta yachachisunman ñaupaj kutirayku visitashaspa?
2 Ñaupaj kutita visitashaspa. Ichá kayta niwaj: “Ashkha runasqa, imapichus kay pacha tukukunanmanta llakikunku. ¿Maykʼajllapis allin kausay kanmanchu? [Kutichinanta suyariy.] Bibliaqa sumaj kausayta suyayta atisqanchejta nin. Kay tapuykunamantaj kutichin”. Folletota jayway, chantá 32 paginapi rikhurej tapuykunamanta ujta ajllachiy. Chaymanta ajllasqan yachaqanawan, imaynatachus Bibliamanta yachachisqanchejta rikuchiy. Chayri noqanchej chay folletopi uj tapuyta ajllasunman, chaymantaj imaynatachus Biblia kutichisqanta rikuchisunman. Chantapis chay yachaqanamanta Internetpi uj video kajtin, wakin hermanosqa chayta qhawachinku.
3. ¿Imaynatá Sumaj willaykuna folletowan yachachisunman? Sutʼinchay.
3 ¿Imaynatá kay folletowan yachachisunman? 1) Yanitapi kaj tapuyta leeriy, Bibliamanta yachakoj imamantachus yachakushasqanta reparananpaj. 2) Parrafota leeriy. 3) “Leey” nishan chay versiculostataj leeriychej, yachakoj chay versiculospi nisqan tapuyman kutichishasqanta reparananpaj, allinta tʼukurispa waj tapuykunatawan ruwawaj. 4) Waj parrafopiwan kan chaytaj, 2, 3 yuyaychaykunaman jina ruway. Uj tapuyman kutichinapaj uj video kajtenqa, chayta qhawarichiwaj. 5) Tukuchanapajtaj yachakojta tapuriy, ajinamanta yachanki imatachus yachakusqanta.
4. ¿Imataj yanapawasun Sumaj willaykuna folletowan allinta yachachinapaj?
4 Allinta kay folletota rejsiy. Atikusqanman jina kay folletowan yachachiy. Niraj yachachishaspaqa, yachakojpi tʼukuriy, imaynatachus chay versículos yanapananpitaj (Pro. 15:28; Hech. 17:2, 3). Allinta yachachiyta yachaspañaqa reparanki kay folleto Bibliamanta yachachinapaj sumaj kasqanta.