Aswan sumaj yachachejkuna kana: Bibliamanta yachachiyta qallariy wasi punkupi ¡Diosmanta jamoj sumaj willaykuna! folletowan
¿Imaraykutaj ruwananchejpuni tiyan? Sumaj yachachej kananchej tiyan, runas Jesuspa yachachisqasninman tukunankupaj (Mat. 28:19, 20). Kapuwasqanchej yanapasta allinta apaykachayta yachanchej chayqa, tukuyninchej sumaj yachachejkuna kasunman. Chaypajtaj yanapawanchej ¡Diosmanta jamoj sumaj willaykuna! folleto. Chay folletowanqa wasi punkunpi ñaupaj kutirayku parlarisqanchejpi yachachiyta qallarisunman.
Killantinta kayta ruway:
Diosmanta mañakuy Bibliamanta yachachiyta munanaykipaj, Bibliamanta yachachiyta qallarinaykipaj, sumaj yachachej kanaykipajtaj (Fili. 2:13).
Chaypajqa wakichikuwaj, familiapi Diosta yupaychashaspa chayri sapallaykipi Bibliata ukhunchashaspa. Ajinamanta mana manchachikunkichu. Chaytaj yanapasonqa wasiyojman punkunpi Bibliamanta yachachiyta qallarinaykipaj.