¿Runasta Dios munakunchu? Folletowan willamusunchik
1. Noviembre killapi, ¿imawantaq willamusun, imaynatá runasta yanapanqa?
1 Noviembre killapi, “Runasta Dios munakunchu”, folletowan willamusunchik. Kayqa, 1992 watapi, Jatun Tantakuy “Portadores de luz” nisqapi, español qallupi urqhukurqa. ¿Imaynasmantá kay folleto runata yanapan? Achkha runas, astawanraq cristianos nichikuqkuna, Bibliamanta, yaqha mana imatapis, yachankuchu. Kay folletoqa Bibliamanta yachakuyta qallarinankupaq yanapanqa.
2. ¿Imatá nisunman folletota saqinapaq?
2 Saqinapaq. Kay 2 Timoteo 3:16 ñawiriytawan, ichá nisunman “imata niwaq kay ñawirisqanchikmanta” may chhika runas kay ñawirisqanchikqa, may sumaq kasqanta ninku. Chaywanpis wakinkunaqa, ima libropis kanmanjinalla yuyanku. Qam Bibliamanta, ¿imatá niwaq? [kutichinanta suyariy.] Ima religionmanta kaspapis, allin kanman, sapa jukmanta ñawirinanchik [página 9 párrafo 4 ñawiriy]. Kay folletop nisqanta ñawirisqaykimanjina, imatachus Biblia yachachisqanta yachakunki”.
3. Willanchik chaypi mana Diospi creeqkunman, ¿imaynatá willasunman?
3 Willanchik chaypi, mana Diospi creeqkuna achkha kaptinku. Kayta nisunman: “Kay libro [Biblia] nisqanmanta, imatachus yuyasqaykita, yachayta munayman [Salmo 37:11 ñawiriy]. ¿Kay ñawirisqanchik juntʼakuptin, imaynataq jallpʼapi kawsay, kanqarí? [Kutichinanta suyariy.] Ñawirisqanchikqa, imaynatachus Biblia, runata sunquchasqanta, juk suyakuyta ima, qusqanta, rikuchiwanchik”. Chantá kay folletomanta 27 paginanmanta 22 parrofonta ñawirispa, folletota saqiy.
4. Kay folletowan, ¿imaynatá, yachachiyta qallarisunman?
4 Yachachiyta qallarinapaq. Watiqmanta yachachinanchikpaq runap wasinman kutispa, imamantachus parlarisqanchikta yuyarichina. Ichá 1 chayri 2 parrofosta, imamantachus parlarisqanchikta yuyarichinapaq, parrafop tapuykunasninta tapurispa, ukhuncharisunman. Yachachin librota saqiyta munaspari, folletomanta, 31 paginanta 18 parrofonta ñawiriytawan ichá librota jaywarisunman. Chantá imamantachus yachakuyta munasqanta tapurisunman. Chaymantataq 1 chayri 2 parrafosta ukhuncharisunman. Noviembre killapi, may sumaqpuni kanqa tukuypis kay folletowan llamkʼarinanchik.