CRISTIANO KAUSAYNINCHEJ

Wiñaypaj kusisqa kausakuy: Cheqa kajta yachachinapaj mosoj yanapas

Runasman yachachinapaj mosoj folleto, mosoj libro ima kapuwasqanchejmanta mayta kusikunchej. Astawan runas bautizakunankupaj tukuy ruwakushasqanta Dios bendecinanta mañakunchej (Mt 28:18-20; 1Co 3:6-9). ¿Imaynatá kay mosoj yanapasta apaykachasunman?

Kay publicaciones yachachejwan yachakojwan sumajta parlarikunankupaj jina wakichisqa kasqanrayku, waj jinamanta yachachinapaj amañana tiyan. Chayrayku wakichikushaspa, yachachishaspa ima kaypi nikusqanman jina ruwana:a

Parrafosta leerina, tapuykunasninpitaj piensarina.
“Leey” nisqa textosta leerina, chantá yachakojman yanapana imatachus chay textos yachachishasqanta entiendenanpaj.
Videosta qhawachina chantá publicacionpi kaj tapuykunasta ruwana.
Sapa estudiashaspa uj leccionta tukuchanapaj kallpachakuna.

Predicashajtinchej uj runa yachakuytachus manachus munasqanta yachanapajqa folletotaraj jaywasunman (“¿Imaynatá ñaupaj kutipi parlarispa Wiñaypaj kusisqa kausakuy folletota jaywasunman?”, nisqa recuadrota qhawariy). Folletota estudiayta tukuchaspaña, yachakoj yachakullaytapuni munan chayqa librotañataj estudiachina, 4 leccionninmantapacha. Pillamanpis Biblia yachachiwanchej chayri Diospa munakuynin nisqa libroswan yachachishanchej chayqa Wiñaypaj kusisqa kausakuy librowanñataj yachachina. Sapa ujninchej qhawarisunman mayqen leccionmantachus qallarinata.

Chay qhariwarmillataj predicarqanku chay runaman “Wiñaypaj kusisqa kausakuy” librowan wasinpi estudiachishanku.

MAY SUMAJPUNI BIBLIAMANTA YACHAKUYTA MUNASQAYKI NISQA VIDEOTA QHAWAYTAWAN, KAY TAPUYKUNAMAN KUTICHIY:

¿Imatataj Bibliamanta yachakojkuna kay mosoj libropi yachakonqanku?
¿Imaraykutaj Bibliamanta yachakojkunata kay videota qhawachina tiyan?
Bibliamanta yachakojta, ¿imatataj ruwananta nisunman? (“Sapa seccionpi yachakunapaj ruwanapajwan”, nisqa recuadrota qhawariy).

a SUTʼINCHAYNIN: “Astawan yachakunaykipaj” nisqa seccionta yachakojwan mana estudiaspapis, wakichikushajtiyki tukuyninta estudiay. Jinamanta yachanki imatachus yachakojta astawan yanapanman. Kay publicacionesqa Internetpi videosta, waj yanapastawan tarinapaj enlacesniyoj.

SAPA SECCIONPI YACHAKUNAPAJ RUWANAPAJWAN
	LECCIONES	KAYPI YACHAKUNKI	YACHAKOJ KAYTA RUWANANPAJ
1	01-12	Imaynatachus Biblia kausayniykipi yanapasunanta chantá imaynatachus Diosta rejsinaykita ima.	Yachakojta yanapay Bibliata leenanpaj, estudianapaj wakichikunanpaj, reunionesman rinanpaj ima.
2	13-33	Imatachus Dios noqanchejrayku ruwasqanta chantá imaynatachus payta yupaychananchejta munasqanta ima.	Yachakojta yanapay yachakusqanmanta wajkunaman parlarinanpaj, congregacionwan willaj llojsinanpaj ima.
3	34-47	Imatachus Dios kamachisninmanta suyasqanta.	Yachakojta yanapay kausayninta Jehová Diosman qopunanpaj, bautizakunanpaj ima.
4	48-60	Imaynatachus Diospa munakuyninpi kanaykita.	Yachakojta yanapay imachus allin imatajchus mana allin kasqanta reparayta yachananpaj, yanapaytaj ñauparinallanpajpuni.