Escuelaspi baleaspa wañuchinku | ¿Imatá Biblia nin?

Kay 24 de mayo de 2022 fechapi, Estados Unidosmanta, Texas, Uvalde nisqa juchʼuy llajtitapi uj jatun llakiy karqa. The New York Times nisqa periódico nisqanman jina, Robb Elementary School nisqa escuelapi, uj runa 19 wawitasta iskay profesorastawan baleaspa wañuracherqa.

Chay jina jatun llakeyqa sapa kuti rikukun. USA Today nisqa periódico nisqanman jina, Estados Unidospeqa “pasaj watallapi 249 kutista uyarikorqa escuelaspi baleaspa wañuchisqankumanta. Chay jina noticias 1970 watamantapacha uyarikorqa chaypis, mana ajina ashkhapunichu karqa”.

¿Imajtintaj chay jina llakiykuna pasan? ¿Maypitaj sonqochayta tarisunman? ¿Maykʼajllapis sajra imas chinkanqachu? Imatachus Biblia chaymanta nisqanta qhawarina.

¿Imaraykutaj mundontinpi astawan sajra ruwaykuna tiyan?

•  Bibliaqa niwanchej ‘qhepa pʼunchaykunapi’ kausashasqanchejrayku, familiapiʼ ‘manaña munakuy’ kasqanta, runaspis “manchay phiñas” kasqankuta. Chayraykutaj runasqa mana khuyakuspa sajra imasta ruwanku. Chay jina runastaj “astawan astawan sajrayanqanku” (2 Timoteo 3:1-5, 13). Chaymanta astawan yachakunaykipaj “¿Predijo la Biblia cómo sería la gente en nuestros días?” nisqa yachaqanata leeriy.

Ashkha runasqa tapukunku: “¿Imajtintaj Dios saqen llakiykuna kananta, escuelaspipis wawitasta baleaspa wañurachinankuta?”, nispa. Chaymanta imatachus Biblia nisqanta yachanaykipaj, “¿Imaraykú kʼacha runas ñakʼarinku?” nisqa yachaqanata leeriy.

¿Maypitaj sonqochayta tarisunman?

• “Ñaupa tiempopi qhelqakusqanqa, yachachinawanchejpaj qhelqasqa karqa, jinallataj suyakuyniyoj kananchejpaj. Imaraykuchus Diosmanta Qhelqasqaqa […] sonqochakunapaj […] yanapawanchej” (Romanos 15:4).

Bibliaj yuyaychaykunasnenqa kay sajra mundopi yanapawasunman. Chaymanta astawan yachakunaykipaj “¿Acabará algún día la violencia?” nisqa ¡Despertad! revistata leeriy.

¿Imaynatataj tatas wawasninkuta yanapankuman mancharinapaj jina noticiasta uyarejtinku? Chaymanta astawan yachanaykipaj “El efecto de las noticias en los niños” nisqa yachaqanata leeriy.

¿Maykʼajllapis sajra imas chinkanqachu?

• “Paykunataqa ñakʼarichej runasmanta, sajra runasmantawan salvanqa” (Salmo 72:14).

• “Espadasninkumanta arado rejasta ruwakonqanku, tʼojsina lanzasninkumantapis josesta ruwakonqanku. Nacionesqa manaña espadawan maqanakonqankuchu, manañataj guerrapi maqanakunankupaj yachakonqankuchu” (Miqueas 4:3).

Runasqa mana sajra ruwaykunata chinkachiyta atinkuchu. Dioslla Gobiernonnejta sajra ruwaykunata, armasta ima chinkachenqa. Diospa Gobiernonmanta astawan yachakunaykipaj “Diospa Gobiernonqa allin kausayta apamonqa” nisqa yachaqanata leeriy.