Hitlerpa kamachiyninpi waranqas wañuchisqas karqanku, Jehovaj testigosninpis | ¿Imatá Biblia nin?

Kay 2023 watapi 27 de enerota ashkha runas yuyarikonqanku Día Internacional en Memoria del Holocausto nisqata. Chayta ruwanku Hitlerpa kamachiyninpi may chhika runas wañuchisqa kasqankuta yuyarinankupaj. Chay chhika runas wañuchisqa kasqankumanta 75 watasmanta astawanña pasan. Ichapis nishanki: “¿Imaraykutaj Dios saqerqa chay chhika runasta wañuchinankutari?”, nispa.

• Chaymanta imatachus Biblia nisqanta yachanaykipajqa, kayta leeriy: “¿Imaraykutaj Dios saqerqa ashkha judío runasta wañuchinankuta?”.

Hitlerqa kamachiyninpi may chhika judiosta wañuchicherqa. Paykunaqa mayta sufrerqanku, waranqa waranqastaj wañorqanku. Waj runaspis chay tiempopi qhatiykachasqas, wañuchisqas ima karqanku. Chay runas ukhupitaj Jehovaj testigosnin kasharqanku, paykunapis qhatiykachasqallataj karqanku Bibliaj nisqanman jina kausakusqankurayku.

• Chaymanta astawan yachanaykipajqa kayta leeriy: “¿Qué les ocurrió a los testigos de Jehová durante el Holocausto?”.

Tumpamantawan allin kausay kanqa

Ashkha runasqa manchachikunku Hitlerpa tiemponpi jina watejmanta ashkha runasta wañuchinankumanta. Jinapis Bibliaqa willawanchej aswan qhepaman allin kausay kananta. Chaypeqa manaña watejmanta chay jina llakiy kanqachu.

• “Jehová Diosqa nin: ‘Noqaqa allinta yachani imatachus qankunapaj munasqayta. Noqaqa munani allinta kausakunaykichejta, manataj ñakʼarinaykichejtachu. Chayrayku ama iskayrayaychejchu aswan qhepamanpis allinta kausakunaykichejmanta’” (Jeremías 29:11).a

Jehová Diosqa chay sumaj kausayta apamonqa sajra ruwaykunata chinkachisqantawan. Tumpamantawan Diosqa kaykunata ruwanqa:

• Wajkunata ñakʼarichejkunata chinkachenqa (Proverbios 2:22).

• Sufrejkunaj ñawisninkumanta waqayta pichanqa, ni imamanta llakikuspataj kausakonqanku (Apocalipsis 21:4).

• Wañupojkunata kay jallpʼapi kausarichenqa (Juan 5:28, 29).

Biblia chay sumaj kausay kananmanta parlasqanqa juntʼakonqapuni. ¿Imaraykutaj Bibliaj nisqan juntʼakunanpi confiasunman? Chaymanta yachanaykipajqa Jehovaj testigosninwan Bibliamanta yachakuy.