Ucraniapi uj wataña guerra kashan | ¿Ima suyakuytataj Biblia qowanchej?

Ucrania nacionpeqa uj wataña guerra kashan. Chaytaj kay 2023 watapi, viernes 24 de febreropi juntʼakun. Wakin noticiaspi nisqankuman jina, chay guerrapi 300.000 soldados jinaña wañupunku, chayri heridos kashanku. Chay soldadosqa karqanku Ucraniamanta, Rusiamanta ima. Chantapis nillankutaj waj 30.000 runas jina wañupusqankuta, paykunaqa mana soldadoschu karqanku. Jinapis ichá astawan ashkhasraj wañuponqanku.

Phutikunapaj jina kay guerraqa manasina usqhayllatachu tukukonqa.

Uj radiopi nerqa: “Rusiamanta soldadosqa uj watata jinaña Ucraniaman yaykuykunku. Jinapis siguillapunisina kay guerra kanqa. Mana ni mayqen nacionpis atipajman rijchʼakunchu, nillataj ni mayqen nacionpis kay guerrata tukuchiyta munaspa jinanchu” (NPR [radio pública nacional de Estados Unidos], 19 de febrero de 2023).

Chayraykuchá mundontinmanta ashkha runasqa llakisqas kashanku ashkha runas ñakʼarisqankumanta. ¿Imatá Biblia chaymanta niwanchej? ¿Maykʼajllapis guerras tukukonqachu?

Armagedón guerra tukuy guerrasta tukuchenqa

Bibliaqa parlan Armagedón guerramanta. Chaytaj runasta tukuchinanmantaqa salvanqa. Chaymanta parlaspa Bibliaqa nin, “Tukuy atiyniyoj Diospa jatun pʼunchayninpi” chay guerra kananta (Apocalipsis 16:14, 16). Diosqa kay jatun maqanakuynejta mundontinmanta gobiernosta chinkachenqa. Imajtinchus chay gobiernosqa guerraswan ñakʼariyllata apamunku. Imaynatachus Armagedón guerra allin kausayta apamunanta yachanaykipajqa, kay yachaqanasta leeriy: