Pusaq kaq tanta

Biblia nisqanqa juntʼakun

BIBLIAQA mana unayllamantachu willawanchik, manaqa imachus qhipaman kananmantapis willallawanchiktaq. Runaqa mana imachus qhipaman kananmanta yachanchu. Chayrayku, Bibliaqa Diosmanta jamusqanta yachanchik. ¿Imatataq Biblia qhipamanta nin?

Diospa jatun maqanakuyninmanta parlan. Kay maqanakuywanqa, Diosninchik Jallpʼamanta tukuy saqra runata, saqra ruwaytapis pichanqa, payta kasukuqkunatari jarkʼanqa. Jesucristoqa Diospa churasqan reynin, Payqa, Diosta kasukuqkuna kusikunankupaq, chantapis mana imamanta manchachikunankupaq, nitaq unquspa wañunankupaq tukuy imata ruwanqa.

¿Manachu Diosninchik Jallpʼapi juk musuq paraisota ruwananmanta yachaspa kusikunchik? Chay paraisopi kawsayta munaspaqa, imatachus Dios mañawasqanchikta ruwananchik tiyan. Kay librop tukukuyninpi Diosninchik quwasqanchikwan kusikunapaq imatachus ruwananchikta yachasunchik. Chayrayku, imatachus Biblia qhipapaq nisqanta yachanapaq, kay PUSAQ kaq tantata ñawina.