‘Iñiyrayku, chay sumaq tinkuypi kallpakuy’
1 Apóstol Pablo,Timoteota yuyaycharqa: “Creeyrayku, chay sumaj tinkuypi kallpakuy”, nispa (1 Tim. 6:12). Pablopis, chay yuyaychasqanmanjina kawsarqa. Chayrayku payqa, wañuynin qayllapiña kachkaptin, mana iskaychakuspa nirqa: “Llallinakupi sumajta tinkuni”, nispa (2 Tim. 4:6-8). Payqa, mana saykʼuspa, mayta kallpakuspa, muchuspa ima, tukuy kawsayninta willayman churarqa. Ñuqanchik pay kikin ruwaptinchiktaq, payjina sunqunchikmantapacha, iñiyninchikrayku sumaqta tinkuchkasqanchikta nisun.
2 Astawan kallpakuna. Pabloqa, Diosmanta willaypi mayta llamkʼarqa (1 Cor. 15:10). Ñuqanchikpis willamuchkaspa kʼacha runasta maskʼaptinchik, kikillantataq ruwachkanchik (Mat. 10:11). Chay kʼacha runasta tarinapaq, ichá tutamanta jatarikuna kanqa, jinamanta callespi kaqkunaman willananchikpaq. Chayri chʼisisninpi lluqsina kanqa, runata wasinkupi taripanapaq.
3 Libromanta yachaqanapaq tantakuy ruwakun chaymanta, willayman lluqsinapaq, ñawpaqmanta kallpakuna, wakichikuna ima, horanpi chayanapaq. Betelpi llamkʼaqkunamanta wakinqa, sábado, domigo pʼunchaykuna qutuchakuyninkuwan willaq lluqsinankurayku, 60 minutosta viajanku, kikin tiempollapitaq kutimunku. Wakin hermanos, familias ima, willayman rinankupaq, karusta rinku chaywanpis, horanpi willaq lluqsinankupaq chayanku. Usqhayllata, sumaqta wakichikuspa ima, willaq risqankuqa, kikinta ruwananchikpaq, yanapawanchik.
4 Diosmanta willayninchikta sumaqta uyariqkunaman, kutiyta munananchik tiyan. Callespi chayri mayllapipis runaman Diosmanta willaspa publicacionesta saqiptinchik, chay runas maypichus tiyakusqankuta, telefononpa numeronta ima, willanawanchikta mañasunman, ajinamanta chay runasman kutispa Diosmanta yachakuyta munasqankuta wiñachinapaq, Bibliamantataq yachachiyta qallarisunman.
5 Willayman riyta mana saqinachu. Pabloqa, mana saykʼuspa Diosmanta willallarqapuni (Rom. 15:19). ¿Ñuqanchikrí? ¿Willayman lluqsichkallanchikpunichu? ¿Willayman kay killapi lluqsinchikñachu? Librota yachaqanapaq tantakuykunapi yachachiqkunaqa, tukuy chay tantakuyman jamuqkuna, sapa killa willayman astawan lluqsinankuta, munanku. Chayta ruwanaykipaqtaq, paykuna yanapasunqanku.
6 Pablojina allin willaykunata willamullaptinchikpuni, ‘iñiyninchikrayku, chay sumaq tinkuypi kallpakullasunuriy’.